Ribadeo, 2 de agosto, 2022. O día 31 de xullo de 2022 toda a veciñanza puidemos ler, ás portas do centro de saúde ribadense, sede do PAC que atende aos concellos de Ribadeo, Barreiros e Trabada, que tan só había un equipo médico para atender a toda a veciñanza deses tres concellos, así como ás persoas desprazadas que pasan aquí as súas vacacións (que non é pouca xente, chega a máis do dobre da poboación habitual), ademais das visitas a domicilio que for preciso realizar por urxencias médicas, ou os traslados a hospitais, ou a atención na vía pública. Así de clara e diáfana é a información posta ás portas do noso centro de saúde.
Levamos tempo denunciando os recortes na sanidade pública. Ano tras ano, vamos notando cada vez máis a falta de medios e, sobre todo, de persoal. A precarización do emprego no mundo da sanidade leva a estas situacións. Temos xente nova e ben formada, pero os contratos lixo que lles ofrecen (até o punto de non saber hoxe que van facer mañá, nin onde van traballar) acaban provocando o éxodo cara a outras comunidades ou países onde lles ofrecen mellores condicións laborais.
O goberno do señor Rueda, que conta co apoio dos deputados e deputadas do PP, incluídos os tres da Mariña, tennos abocado a todas as galegas e galegos a una continua peregrinación cara a unha sanidade pública baleirada de servizos e persoal. Comézase desmantelando as Áreas Sanitarias; redúcense servizos no Hospital da Mariña tendo que ir recibir a Lugo prestacións que antes nos daban en Burela, e remátase pola Atención Primaria, deixándoa en condicións límite. O da ampliación do Hospital Comarcal foi pura aparencia. De que serve ampliar os edificios se non son dotados da infraestrutura e persoal necesarios para prestar servizos?.
Mentres que o señor Feijoo anda coma un galo perico pola política madrileña fachendeando, nós, as mulleres e homes da Mariña, de toda Galiza, sufrimos as consecuencias derivadas da súa política radical de recortes sanitarios que nos trouxeron ata o punto de dispoñermos de tan só un equipo médico para atender o PAC que da cobertura aos concellos de Ribadeo, Barreiros, Trabada, ás persoas desprazadas, as urxencias médicas, a atención en vía pública e os desprazamentos hospitalarios. Tanto o señor Rueda como o grupo parlamentario do PP (cos seus tres deputados mariñaos) apoiaron esas políticas de deterioro progresivo da sanidade pública. Tomemos boa nota tanto os galegos e galegas como a xente que nos visita; que saiban/saibamos quen é Feijoo, que políticas leva á práctica, por moito que se oufane en defender andrómenas como a liberdade de elección e contos polo estilo sen ningún sentido. Temos que lles parar os pes; na Xunta e onde for.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
