No PP piden partidas con fins claramente identificados, para mellorar a transparencia, moi escasa na Deputación, e coñecer a que se van dedicar os cartos
Lugo, 15 de setembro de 2022. Chega o momento no que as diferentes administracións públicas teñen que elaborar, debater e aprobar, se é o caso, os seus orzamentos para o exercizo 2023. No caso da Deputación de Lugo, o portavoz popular, Javier Castiñeira, anuncia que o seu grupo quere participar na elaboración do plan económico para o próximo ano e destaca que “a Deputación de Lugo disporá de máis cartos que nunca para elaborar os orzamentos do ano 2023”. Os deputados populares ofreceron esta mañá unha rolda de prensa diante da Deputación.
O portavoz popular explicou: “Neste caso, e segundo as previsións que ten a Federación de Municipios e Provincias, poderíase incrementar a participación nos tributos do Estado, é dicir os cartos que recibirá a Deputación de Lugo polos impostos que pagan todos os lucenses, ao redor dun 5% máis que o ano pasado. Se temos en conta que esa cantidade no exercizo pasado foi de arredor de 90 millóns de euros, pois moi probablemente se poida dispoñer de entre 4 e 5 millóns de euros máis para os orzamentos do 2023. Poderiamos falar dun orzamento provincial aproximado aos 104 millóns de euros, que é unha cantidade moi importante. Por iso o PP fai no día de hoxe un ofrecemento por escrito para participar na elaboración deses orzamentos”.
Castiñeira sinalou que o plan económico para o próximo ano é moi importante: “Por un lado, porque son os orzamentos da transición: remata a lexislatura e comeza outra nova, probablemente haxa un cambio de goberno, e, polo tanto, haberá dous gobernos que terán que xestionar este orzamento. Por iso queremos participar activamente. Tamén pola importancia do momento. Os concellos, especialmente os máis pequenos, están vivindo un momento moi complexo, cun alto custo para prestar servizos básicos e precisan da axuda da Deputación de Lugo (que non ten que prestalos), porque se ven moi afectados polo alto custo da enerxía. Falamos por exemplo do alumeado público, do saneamento, da potabilización e da recollida de lixo”.
Os populares queren “que o reparto sexa obxectivo e vaia directamente ás arcas dos concellos para suplementar eses sobrecustos que teñen debido á alta inflación”. No PP intentan “que haxa partidas específicas e claras, porque, como é sabido, en todas as anualidades o goberno da Deputación de Lugo é pouco claro, pouco transparente, porque utiliza partidas xenéricas que ao final van destinadas a diferentes convenios con alcaldes da mesma cor política”.
Castiñeira indica: “Este é un ano electoral e non queremos que se faga electoralismo, como fixeron sempre os gobernos bipartitos da Deputación de Lugo; tememos que o vai intentar facer de novo o presidente Tomé”. Os populares pretenden “velar polos intereses de todos os lucenses e participar; por iso hoxe presentamos por escrito o noso ofrecemento e para non ter que saber dos orzamentos, como pasou o ano pasado, no Parlamento de Galicia”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
