O organismo provincial, que xestiona o inmoble desde o 2003, obviou por completo tanto os acordos plenarios como as peticións cursadas pola veciñanza, nas que se pedía expresamente a súa implicación económica no proceso de ampliación do Museo
Cervo, 26 de outubro de 2022. O Concello de Cervo e a asociación de veciños de San Cibrao lamentan a falta de sensibilidade da Deputación provincial que non asume os custes do proceso de ampliación do Museo do Mar, que xestiona desde que lle fora cedido no ano 2003, cando pasou a integrarse na rede museolóxica dependente deste organismo.
Tal e como explican, a institución provincial leva anos eludindo tanto os acordos plenarios como as diversas peticións cursadas polas veciñanzas para que asuma o compromiso de asumir a ampliación “sen obter resposta algunha”.
Neste senso, cabe recordar que en agosto de 2021 a corporación municipal, aprobou en pleno o seguinte acordo:
Instar á Deputación provincial, unha vez máis, a asumir o compromiso de ampliar o Museo Provincial do Mar, que é da súa xestión, o que require da adquisición do terreo contiguo cuxos costes, tal e como recolle o proxecto encargado polo Concello de Cervo, están estimados en 155.188,14 euros, a fin de conseguir un espazo axeitado para acoller toda a riqueza patrimonial, etnográfica e histórica que atesoura este inmoble.
Esta proposta xa se apoiaba noutros acordos subscritos en anos anteriores, como o que se tomou no pleno celebrado o 26 de setembro de 2007:
Solicitar á Exma. Deputación Provincial de Lugo a adopción dun acordo expresando o seu compromiso firme de asumir os custos do proceso de ampliación do Museo do Mar de San Ciprián, a fin de completar o proceso de redacción do estudo económico preciso para a aprobación definitiva da modificación puntual das Normas Subsidiarias do planeamento na zona do Museo do Mar, en San Ciprián.
Ou a moción presentada en marzo do 2005 polo BNG que saíu adiante cos votos a favor de toda a corporación baixo a seguinte redacción:
O Grupo Municipal do BNG insta á Corporación Municipal a dirixirse á Deputación Provincial para que merque o quinteiro comprendido entre a Rúa do Torno, Paseo Marítimo e Avda. da Mariña (anexo ao Museo do Mar), en San Cibrao-Cervo
É pois unha evidencia -engaden- que a Deputación se nega a apostar polo museo público do mar máis antigo de Galicia, cremos que é inaceptable que haxa bens de gran valor histórico e patrimonial sen ver a luz, polo que desde o Concello de Cervo, aínda que sexa sen o apoio de quen o xestiona, “imos seguir adiante co obxectivo de ampliar as instalacións do Museo en beneficio público e conseguir un espazo adaptado aos tempos e á realidade social”.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
