Na xornada conmemorativa fíxose entrega ao comedor do centro da distinción “Km 0 de Galicia”, que acredita que case o 60% dos alimentos empregados proveñen de canles curtas de comercialización, destacando os produtos con selos de calidade
Ribadeo, 8 de novembro de 2022. O director da Axencia Galega da Calidade Alimentaria, José Luis Cabarcos, inaugurou hoxe a xornada conmemorativa do centenario que está a celebrar o Centro de Formación e Experimentación Agraria (CFEA) Pedro Murias de Ribadeo. Un centro que, segundo o director, se está a consolidar como referente da formación dual, que garante as prácticas remuneradas en empresas desde o primeiro momento contribuíndo a un alto grao de inserción laboral.
Así, José Luis Cabarcos recordou que o seu ciclo medio de Formación Profesional de Aproveitamento e conservación do medio natural elevou este curso ata 15 o número de prazas novas ofertadas, para atender a demanda existente. Nesa liña, apuntou o interese que esperta a colaboración con empresas forestais da zona, así como con escolas taller e obradoiros de emprego tanto de Asturias como de Galicia e orientadores laborais de concellos e de oficinas do Instituto Nacional de Empleo (INEM).
Na súa intervención, o director da Axencia Galega da Calidade Alimentaria incidiu en que o programa deste ciclo medio de FP na modalidade dual -que se estrutura en dous cursos- establece que os estudantes recibirán unha remuneración económica polas prácticas que vaian desenvolvendo nas empresas colaboradoras. A este importante punto a ter en conta súmase, segundo resaltou, a vinculación que se crea entre o alumno e a empresa, que -en moitas ocasións- perdura máis aló da experiencia formativa.
En todo caso, José Luis Cabarcos aseverou que os que apostan por este ciclo conseguen ao rematar un título de Formación Profesional de grao medio, a acreditación da experiencia laboral realizada en empresas polo período correspondente, ademais da mencionada remuneración como contraprestación polo seu traballo. Deste xeito, e grazas ao profesorado altamente cualificado, poden dedicarse por conta propia ou por conta allea a actividades forestais e similares, en hortas, viveiros e xardíns, en propagación e cultivo de plantas en viveiro, entre outras especialidades cada vez máis demandadas especificamente na provincia de Lugo, que aglutina o maior número de cortas de madeira de Galicia.
O director engadiu que o Centro de Formación e Experimentación Agraria Pedro Murias é tamén unha figura clave no marco do programa de formación continua deseñado pola Consellería do Medio Rural, que inclúe actividades orientadas a actualizar e profesionalizar o sector primario. Nesa liña, cabe mencionar que este ano se programaron 429 cursos de formación continua, potenciando a plataforma de teleformación da Axencia Galega da Calidade Alimentaria mediante a oferta de accións semipresenciais. Destas 429 iniciativas impartidas entre todas as unidades dependentes da Consellería, 210 serán desenvolvidas polos CFEA.
Programa polo centenario
Ademais da do director da Axencia Galega da Calidade Alimentaria, a programación co gallo do centenario do CFEA Pedro Murias incluíu a participación de representantes da Universidade de Santiago de Compostela (USC) sobre as actividades desenvolvidas no centro dende a súa creación, entre outras cuestións. Así mesmo, no acto fíxose entrega da distinción “Km 0 de Galicia” ao comedor das instalacións, outorgada pola empresa Slow Food Compostela para acreditar que preto do 60% dos alimentos empregados proveñen de canles curtas de comercialización, destacando os produtos amparados por selos de calidade.
Precisamente a xornada conmemorativa rematou cunha degustación de producións de calidade. En concreto, de distintas variedades de queixos amparados polas denominacións de orixe protexida Tetilla e Arzúa-Ulloa elaborados na aula de produtos lácteos do CFEA, con leite da explotación do Centro de Investigacións Agrarias de Mabegondo (CIAM).
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
