Ribadeo, 4 de novembro de 2022. Na última xunta de goberno local foi autorizada a prórroga na concesión da piscina municipal por 5 anos máis chegando así ata o ano 2030. A concesionaria do servizo vai construír unha nova sala dotada con equipamento fitness de última xeración e mellorará e reforzará unha das fachadas do edificio. O investimento ascenderá a 140.000 euros, segundo deu a coñecer nesta xornada o alcalde, Fernando Suárez.
Hotel
O rexedor contou que “dentro das licencias de obra e de actividades debemos sinalar a autorización para as obras do Hotel O Cabazo de cara a lograr un cambio de clasificación actual das tres estrelas que ten e pasalo a catro estrelas. Isto sen dúbida que seguirá posicionando a Ribadeo como un destino turístico cunha ampla variedade de aloxamentos incluídos os de alto nivel de prestación de servizos, como é o caso”.
Suárez Barcia indicou que “tamén se autorizou a rehabilitación integral dunha vivenda en Couxela, a construción doutra vivenda unifamiliar na parroquia de Ove, así como varias segregacións de parcelas urbanas en Piñeira, Ove e A Devesa. Todo isto é posible por ter vixente e consolidado un moderno Plan Xeral de Ordenación Municipal que permite a claridade do que se pode ou non facer e unha seguridade xurídica cando se fai”.
Novos negocios
O alcalde de Ribadeo engadiu que “igualmente deuse permiso para a creación dunha nova parafarmacia na rúa San Francisco e autorizouse a instalación temporal dunha torreta de medición de vento no lugar do Somo, en Covelas”.
Fernando Suárez subliñou que “a Xunta de Goberno Local autorizou a prórroga na concesión da piscina municipal por cinco anos máis. O período que remataría no 2025 agora chegará ao 2030, pois os pregos de licitación así contemplaban esta posibilidade”.
E dixo que “tanto o Concello como a concesionaria coinciden que para seguir con esa oferta de calidade débese actualizar o centro deportivo. Nos últimos anos xa se creou unha sala de actividades e renovouse o equipamento deportivo do ximnasio. Agora, a concesionaria do servizo comprométese á construción dunha nova sala de actividades destinada a adestramentos de tipo funcional. Será un espazo de 130 m2 e estará dotado de equipamento fitness de última xeración.Con esta sala preténdese atraer a novos perfís de usuarios e ofrecer aos existentes unha maior oferta deportiva e adestramentos máis innovadores”.
O rexedor explicou que “para levar adiante estas importantes e ambiciosas melloras tamén será necesario mellorar e reforzar unha das fachadas do edificio. O custo da obra da creación desta nova sala fitness e a rehabilitación da fachada suporá para a empresa xestora máis de 140.000 euros. Así Ribadeo seguirá contando cun centro deportivo de referencia na Mariña Lucense”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
