Foz, 29 de novembro de 2022. O Concello de Foz leva a aprobación o orzamento municipal para o exercicio 2023 este xoves, día 1 de decembro, nun pleno extraordinario que se celebrará ás 20.30 horas e que será emitido por Radio Foz. Este orzamento, que ascende a 9.768.359,77 euros, increméntase con respecto a exercicios anteriores en máis dun 10 por cento, focaliza as súas inversións na área social, en servizos municipais primarios, así como en obras moi necesarias para a mellora de Foz.
A concelleira de Facenda, Inés López Couto, explica que “as partidas de gastos correntes incrementáronse para a administración: as importantes subas da enerxía, os carburantes ou calquera tipo de servizo esencial fan necesario aumentar as dotacións destas para facer fronte aos recursos para a prestación destes servizos. No capítulo de ingresos vaise revisar que se cumpran as ordenanzas existentes xa que é moi importante que un pobo en crecemento coma Foz medre de forma ordenada e que se cumpra os regulamentos que ten en vigor, para unha convivencia cómoda para todos os cidadáns”.
Inés López Couto engade que “é necesario que se incrementen as dotacións de recursos tanto por parte do Estado como da comunidade autónoma, xa que absorben a maioría deles sen ter en conta as competencias municipais, que se incrementan cada día. Os concellos, cada vez máis, asumimos competencias que son doutras administracións, debido a que non se nos transfiren os recursos necesarios para que estas se poidan cubrir ou a que as administracións competentes deixan de cubrilos, traspasándonos as responsabilidades ou abandonando os servizos. Vemos como exemplo máis flagrante o Servizo de Axuda no Fogar, que, na súa modalidade de dependencia, axuda a moitos fogares en situacións de necesidade vital. Nos servizos sociais é unha loita continua que a comunidade autónoma se faga cargo das súas competencias. Mentres os concellos seguen encargándose de poñer os recursos que non aportan dende a Xunta (este ano o prezo/hora que se aporta dende a Xunta é de 11,50 euros, cando a contratación saíu a licitación por case 20 euros/hora). Outro exemplo claro é o copago que o Concello realiza por cada praza das escolas infantís Galiña Azul. Por iso os cambios nos custes afectan tanto nos orzamentos para concellos medianos coma o noso”.
O capítulo de gastos correntes ascende á 5.390.152,10 euros, sendo os investimentos reais de 335.510,38 euros. O alcalde, Fran Cajoto, detalla que “estes investimentos inclúen a adquisición de nova maquinaria para os servizos de obras e xardinería, como é un tractor para o desbroce de camiños veciñais, así como os fondos propios a executar no Plan Único do vindeiro exercicio, a anualidade 2024 da obra de humanización da Rúa Irmandiños, fondos para mantemento de viais en parroquias e algunhas melloras para o servizo de biblioteca e a escola de música. Gustaríanos investir moito máis, pero debemos axustarnos aos recursos. Mais seguiremos solicitando cantas subvencións e axudas poidamos para continuar mellorando Foz e que siga crecendo, para o cal realizaremos as modificacións que se requiran se é necesario”.
O orzamento de Foz lévase a aprobación antes de que finalice o ano, como é preceptivo. “Cada ano vaise mellorando e aprendendo, é un traballo de todos que se leve a aprobación antes de que finalice o exercicio en vigor”, finaliza Inés López Couto.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
