O goberno municipal leva anos de intensas xestións e a solución atópase na fase final
Viveiro, 29 de novembro de 2022. O goberno municipal informa que, despois de levarse a cabo todos os trámites correspondentes tras a solicitude do Concello de Viveiro, a Dirección Xeral da Costa e do Mar xa aprobou a modificación da liña de ribeira do mar en diversas zonas dos paseos marítimos de Covas e Viveiro, declarando, ademais, a innecesariedade para a protección e utilización do dominio público marítimo-terrestre.
Este é un gran avance na xestión e tramitación que dende o Concello de Viveiro se vén realizando para pode contar coa cesión da propiedade de varios terreos adxacentes a estes paseos, permitindo continuar coa tramitación da desafectación e posterior cesión ao concello.
Neste sentido, cómpre lembrar que o Concello de Viveiro, en base ás necesidades existentes nas zonas dos paseos marítimos de Covas e Viveiro, atendendo á regulación establecida na normativa en materia de Costas e co fin de poder contar coa cesión da propiedade de varios terreos adxacentes a estes paseos que hoxe en día forman parte do dominio público marítimo terrestre, procedeu á solicitude da regularización da liña interior de ribeira de mar nestes paseos, tendo en conta que perderon as súas características naturais de zona marítimo-terrestre.
Para esta solución lévase traballando dende hai anos, conseguindo que neste momento xa se atope a punto de rematar a tramitación necesaria para a desafectación deses terreos e posterior cesión ao concello por parte de Patrimonio do Estado, acordando xa neste momento a Dirección Xeral da Costa e do Mar solicitar ao Ministerio de Facenda que proceda á desafectación destes terreos.
Neste sentido, cabe subliñar o importante e arduo traballo que se leva facendo dende o concello; resultando un proceso máis longo do inicialmente esperado que puido chegar á súa fase final grazas á preocupación e insistencia deste concello.
Ademais de tratarse dun proceso longo, require da intervención de varias administracións pero que, finalmente, vai permitir que o concello conte coa titularidade dos terreos afectados e poida definitivamente proceder ao arranxo das zonas obxecto de cesión, que inclúen a zona onde antigamente se ubicaba a Opel, na Misericordia; a zona de rodadura da Avda Luis Cebreiro, dende a residencia de maiores ata o aparcamento de Covas, así como a beirarrúa que vai por diante das vivendas e unha parte do parque Pernas Peón; un pequeno espazo na zona da estación de autobuses; e un espazo na zona da Variante, que inclúe os terreos comprendidos entre o dominio público e a beirarrúa da estrada, limitando co aparcamento e incluíndo tamén a explanada que hai diante dos edificios, que actualmente se atopa en moi mal estado polas fochancas existentes. O conxunto destes espazos obxecto de cesión ten unha superficie aproximada de 18.000 m2.
Finalmente, con respecto ao estado no que se atopa a explanada da Variante, cómpre indicar que o Concello de Viveiro é coñecedor da situación e que comprende as molestias que estas circunstancias ocasionan. Tal e como se explicou en diversas ocasións, trátase dunha problemática complexa, ao non ser un espazo de titularidade municipal e no que, polo tanto, non se podía adoptar unha solución definitiva. Ao longo destes anos, o Concello de Viveiro veu realizando labores para minimizar os prexuízos causados e, neste momento, atendendo ao punto no que se atopa a tramitación referida, pode afirmarse que a súa solución se atopa xa na fase final.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
