Identificado na A-8 o condutor dun “Megacamión” que deu positivo nas probas de detección de drogas

Os “Megacamións” chegan a alcanzar 60 Tn e 25,25 metros de lonxitude

A Mariña, 9 de decembro 2022. A Garda Civil da Mariña Lucense, no marco dun operativo masivo (D.O.M.A), dispositivo policial onde se realizan mostraxes de alcol, drogas, controis de velocidade e inspección de vehículos, efectuado no P.K. 522 da autovía A8, procedeu a dar o alto a un vehículo articulado de 60.000 kgs de masa máxima autorizada, comunmente denominado “Megacamión”.

Significar que este tipo de vehículos, caracterízanse por ter unha masa máxima autorizada de 60 Tn, un 50% superior a un vehículo articulado “normal”, e unha lonxitude de ata 25,25 metros e precisan para a súa circulación dunha autorización especial de circulación emitida pola DXT.

Requirido o seu condutor para a realización das correspondentes probas de detección de drogas, lanzou positivo por consumo de cocaína, estando este resultado pendente da confirmación por parte do laboratorio de referencia.

Á vista do resultado das probas de detección de drogas realizadas, formulouse denuncia á vixente Lei de Seguridade viaria, a cal sanciona os feitos con 1000 € e a detracción de 06 puntos do permiso de condución. O vehículo quedou inmobilizado ata que se fixo cargo da súa condución outro condutor designado pola empresa, tras comprobarse que reunía os requisitos necesarios para facelo.

A Garda Civil lembra que está prohibida e é sancionable a condución de calquera vehículo con presenza de drogas no organismo. Se ese consumo de drogas, mostrase influencia na condución, podería ser constitutivo de ilícito penal, que sería castigado coa pena de prisión de tres a seis meses ou coa de multa de seis a doce meses, ou coa de traballos en beneficio da comunidade de trinta e un a noventa días, e, en calquera caso, coa de privación do dereito para conducir vehículos de motor e ciclomotores por tempo superior a un e ata catro anos.