Burela, 17 de xaneiro de 2023. O alcalde, Alfredo Llano, presentará o 19 de xaneiro na Casa de Galicia en Madrid a Feira Expomar que se celebrará do 10 ao 13 de maio. E o bonito de Burela compartirá protagonismo en Fitur co marisco do Grove e coa lamprea de Arbo.
Llano explicou esta tarde que “faremos unha exposición do que é a Feira do Bonito e explicaremos porque é merecedora de ser de interese turístico nacional. Penso que hai moitas cuestións que axudan a que esa valoración fora positiva: tivemos moito interese tanto desde o Concello como desde a propia asociación Ledicia, e incluso todo o pobo dalgunha maneira botou unha man. Falarei un pouco de toda a historia da Feira do Bonito, que comezou no ano 1983, e de cómo se logrou que fora de interese turístico nacional; e tamén da cantidade de voluntarios que traballan para que a Feira do Bonito estea ben atendida, con toda a calidade que aporta. E en canto a gastronomía, hai que defender que se trate o peixe tal e como facemos en Burela e tamén como se pesca, respectando o medio ambiente e a especie. Ademais falarei das diferentes preparacións gastronómicas que permite o bonito e tamén comentarei que Burela é un pobo atractivo, que temos moitas posibilidades para atender a moita xente e que aquí ninguén é considerado de fóra senón que se integra inmediatamente no ambiente do pobo. Tamén presumirei da gastronomía, das praias, das actividades culturais e de todo o que temos, para que complemente perfectamente o que é a Feira do Bonito”.
O rexedor dixo que “isto farémolo ás tres da tarde no stand de Galicia en Fitur e despois, ás sete, na Casa de Galicia de Madrid teremos a presentación da edición de Expomar que vamos realizar do 10 ao 13 de maio. Para ese acto na Casa de Galicia, que é un lugar extraordinario que está de marabilla, invitamos a representantes institucionais, a empresarios e a asociacións do sector. Queremos que haxa suficiente xente para que teña transcendencia e se vexa claramente que é Expomar e por que a facemos en Burela”.
O alcalde burelés e presidente da Fundación Expomar contou que “queremos que esta décimo novena edición de Expomar sexa grande e espectacular. Vamos ter a ocasión de ver todas as innovacións desde o ano 2019 ata o 2023, porque levamos xa catro anos sen facer a feira, o que é moi importante. Por iso a presentamos en Madrid, para que repercuta e sexa unha motivación clara para que a xente acuda e nos axude a facer desta edición da feira Expomar algo moi grande, que teña moita repercusión e volume de negocio. Paralelamente á feira Expomar sempre se fai o encontro empresarial, do que saen conclusións moi claras, definitorias e importantes. E tamén as xornadas técnicas, que complementan perfectamente todo o que é Expomar”.
E engadiu: “todo isto neses catro días fará que Expomar sexa o epicentro da Mariña, e sobre todo do sector náutico pesqueiro, que vai ter a oportunidade de agrandarse. E queremos tamén que esta feira sirva para motivar á xente nova a coller o temón e que siga a tarefa da pesca, porque é algo fundamental tanto para a cuestión económica como social e culturalmente no noso pobo, na Mariña e incluso en Galicia enteira. Debemos ter iso en conta e procurar que a pesca siga sendo unha referencia clara tanto laboral como de aporte de alimentos de primeira calidade”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
