O evento, que se presentou este mércores no Pazo de San Marcos, celebrarase este sábado 28 de xaneiro e participarán 350 persoas chegadas da provincia, doutros puntos de Galicia e de España
Lugo, 25 de xaneiro de 2023. O Trail Terras de Burón celebrarase este sábado, 28 de xaneiro, na Fonsagrada co apoio da Deputación de Lugo. Este mércores foi presentada a primeira edición da cita no Pazo de San Marcos coa participación do Deputado de Promoción Económica e Social, Pablo Rivera Capón, o Deputado de Deportes, Artesanía e Deseño e Memoria Histórica, Efrén Castro Caloto, o Alcalde da Fonsagrada, Carlos López López, e o representante da directiva do Club de Montaña Terras de Burón, Jorge Cancio Fernández.
Esta proba, que xa leva o sobrenome de O Trail do Inverno, consistirá nun conxunto de actividades deportivas ao aire libre organizadas polo Club de Montaña Terras de Burón, recentemente creado. Participarán 350 persoas chegadas de diferentes puntos de Galicia e de España, tendo as prazas esgotadas dende hai días.
Rivera Capón subliñou na presentación que “a Deputación de Lugo é o Concello dos Concellos e, como tal, temos o compromiso de colaborar cos 67 municipios da provincia, sobre todo cos máis pequenos, para sacar adiante todo tipo de iniciativas que favorezan o seu progreso social e económico. Este é o obxectivo que nos motivou a apoiar o Trail da Fonsagrada coa súa promoción e proxección. Nese sentido, quero recoñecer o papel do Alcalde e do seu Goberno por contribuír a que este tipo de eventos se celebren no concello, e por facelo da man do tecido asociativo do municipio. É fundamental o que estades facendo na Fonsagrada para que este sexa un lugar vivo, dinámico e con iniciativas pensadas para todas as idades”, subliñou.
Máis alá do aspecto “puramente deportivo”, indicou o Deputado, “o deporte ten un aspecto multiplicador de alcance transversal”. “ O deporte é un aliado excelente da promoción do territorio e do turismo, un reclamo que atrae visitantes á zona e que, polo tanto, axuda a fomentar a actividade da hostalería, do turismo e do comercio local”, afirmou Rivera Capón.
“O Trail Terras do Burón concorda coa estratexia da Deputación para a promoción do territorio porque favorece, ademais do deporte, un modelo de turismo de calidade, non masificado, sostible, de experiencias, e respectuoso co medio ambiente”, incidiu o Deputado na presentación. Ademais, dixo que se espera que sexa unha proba “dura”, tanto polos itinerarios coma pola propia meteoroloxía.
O Deputado de Deportes, Efrén Castro, felicitou aos organizadores da proba e ao Concello fonsagradino pola iniciativa, ao tempo que sinalou a idoneidade da Montaña lucense, en concreto da Fonsagrada, para este tipo de eventos porque “é un paraíso natural para deportes como o trail ou o ciclismo con sitios que merecen moito a pena visitar”. Engadiu que despois de practicar ese deporte, esta zona permite degustar como premio “a rica gastronomía con produtos locais que están ao nivel do paraíso natural que é”.
Tres modalidades
O Trail Terras de Burón contará cunha andaina de 13 quilómetros con 650 metros de desnivel positivo, e con dúas distancias de carreira de montaña: o Trail das Seimeiras (trail longo) de 27 quilómetros e o Trailiño (trail curto) de 17 quilómetros, con 1450 e 800 metros de desnivel positivo, respectivamente.
O lugar de saída será para todas as distancias a praza do Concello. O Trail das Seimeiras sairá ás 9:30 horas, o Trailiño ás 10:00 horas e a andaina ás 10:05 horas.
Habilitaranse zonas para os avituallamentos, gardarroupas e duchas quentadas para o remate da proba no pavillón municipal. Ademais, habilitarase unha zona para a atención de nenos e nenas de balde, co obxectivo de que os pais e nais poidan desfrutar da proba ao tempo que os pequenos desfrutan de actividades e xogos. A entrega de trofeos está prevista para as 13:30 horas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).