O Instituto Español de Oceanografía (IEO) realiza a coordinación científica do proxecto REDIPESCA, como continuación dos seus estudos sobre selectividade dos tres anos anteriores no marco da “Obrigación de desembarque”
Burela, 26 de abril, 2023. O proxecto REDIPESCA, levado a cabo pola Organización de Produtores Pesqueiros do Porto de Burela (OPP-7) en colaboración co Instituto Español de Oceanografía (IEO), ademais de continuar estudando a selectividade nesta arte, propón o desenvolvemento experimental dunha arte de pesca equipado con portas que non contacten co fondo mariño, para reducir o impacto ecolóxico, a pegada de carbono e o gasto de combustible.
O proxecto inclúe unha campaña experimental, que se enmarca no seu plan de produción e comercialización, cofinanciado pola Xunta de Galicia e o Fondo Europeo Marítimo, de Pesca e de Acuicultura (FEMPA). As probas iniciáronse o pasado luns 17 de abril a bordo do buque Plaia de Rueta, con porto base en Burela e que realiza a súa actividade de arrastre de litoral no caladoiro nacional Cantábrico-Noroeste. Observadores científicos recollerán datos durante varias semanas dos lances pesqueiros realizados en condicións experimentais.
Este estudo inclúese dentro das estratexias de redución de descartes, eficiencia enerxética e estudo do impacto nos ecosistemas. O obxectivo xeral do proxecto REDISPESCA pasa por estudar os impactos e transferir os resultados para desenvolver un sistema de arrastre alternativo.
Este ‘novo arrastre’ estaría baseado no uso de portas máis lixeiras e hidrodinámicas que non contactan co fondo mariño, sen implicar ningunha outra modificación no resto da arte de pesca (malletas, ventos e rede). Ao non desprazarse polo fondo mariño, elimínase o efecto de fricción e con iso a resistencia da arte de pesca, o que resulta nunha diminución do esforzo do motor. Ao mesmo tempo elimínase o efecto das portas sobre o fondo mariño.
O deseño de artes de pesca enerxeticamente máis eficientes é unha das actuais prioridades da Comisión Europea, aínda que este tipo de proxectos sexan moi escasos nas pesqueiras españolas.
Este estudo, coordinado e dirixido polo equipo de Julio Valeiras do IEO, supón a oportunidade de introducir tecnoloxías innovadoras no sector pesqueiro, que redunden no beneficio colectivo de todo o sector de pesca de arrastre. O proxecto inclúe a transferencia de resultados ao público interesado a través de diferentes xornadas e publicacións en medios de comunicación sectoriais.
Os resultados agardados pasan pola obtención de información comparada sobre os rendementos pesqueiros con portas peláxicas e comprobar a súa viabilidade sen diminución do rendemento económico; obter evidencias sobre a potencial mellora da selectividade da pesquería e a calidade nas capturas ao diminuír a cantidade de sedimentos; e obter información sobre consumo de combustible da embarcación, o que permitiría reducir as emisións de CO2 á atmosfera e aumentar a relación custo-eficiencia da actividade.
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
