Castiñeira comparte a demanda dos veciños da conexión da praia de Areoura co resto da parroquia mediante un paseo marítimo
Foz, 14 de abril de 2023. Profundamente convencidos do papel fundamental que xogan as asociacións na vertebración da sociedade, os populares de Foz manteñen aberto un proceso de continua escoita activa para coñecer de primeira man as súas demandas, preocupacións e necesidades. Ao fío da celebración en maio das eleccións locais, o PP de Foz desenvolve un calendario de reunións con distintos colectivos. O portavoz e candidato á alcaldía polo PP, Javier Castiñeira, sinala: “ O PP de Foz ten moi claro que os membros das asociacións de todo tipo, veciñais, culturais e de calquera outro eido, non só deben elixir aos responsables municipais o 28 de maio, senón que deben participar na elaboración dos programas electorais. E nesa liña de escoita activa que ten o PP, no día de onte reunímonos coa Asociación de Montes e Veciños de Cangas, unha parroquia moi importante de Foz, porque despois do núcleo urbano é a máis poboada do concello”.
Castiñeira explica: “Dende sempre o PP de Foz tivo unha grandísima relación con esta asociación de veciños, que funciona moi ben e que sempre nos transmitiu as súas prioridades. Nós, dende o PP, ben dende o goberno ben dende a oposición, tratamos sempre de cumprir. Un exemplo son as beirarrúas na estrada autonómica de Cangas a Ferreira, na zona urbana, na que, durante o goberno do PP, se fixeron gran parte das beirarrúas e, na oposición, conseguimos que se remate o último tramo. No seu momento axudamos á apertura do tanatorio e procuramos atender tamén ás outras cuestións que nos transmiten”.
Os requirimentos básicos da asociación, segundo explica Castiñeira, son “a mellora das estradas do concello, así como dalgúns servizos como o do alumeado, o de recollida de lixo e limpeza, que son moi mellorables; queren tamén máis equidade no reparto dos fondos municipais”. Os populares concordan totalmente e manteñen a súa proposta “para facer un Plan de Parroquias antes dos orzamentos municipais, para que inclúan un reparto obxectivo entre todas elas, tratando de eliminar o actual desequilibrio entre os investimentos na zona rural e a urbana”.
Outras das demandas do colectivo son cuestións moi propias de Cangas, “como é a mellora dos acceso á praia de Areoura, un requirimento de hai moitos anos, que, de momento, non se cumpriu; outra é a de buscar unha solución a reitoral, un edificio singular desta parroquia que está en moi mal estado; xunto co Bispado e os propios veciños hai que buscar un fin para este edificio e acometer as melloras precisas”. A asociación demanda tamén a prolongación dos paseos marítimos, para comunicar Areoura co resto da parroquia cun paseo marítimo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
