Ribadeo, 14 de abril de 2023. O alcalde de Ribadeo, Fernando Suárez, referiuse hoxe á estrada que vai desde a praia de Rocas ata a Illa Pancha, que é titularidade da Autoridade Portuaria Ferrol-San Cibrao. O rexedor subliñou que esa entidade leva anos facéndose a preguiceira para arranxar ese viario e advirte que non será unha realidade ata o ano 2024. O equipo de goberno reciclou un vello cartel para avisar ao público e chamar a atención do que cualifica como inxustiza.
Suárez Barcia explicou: “reciclamos un vello cartel para avisar ao público e chamar a atención dunha inxustiza que se entende mellor cando se comparan as cousas do que fan unhas administracións e do que facemos outras. Resulta que a Autoridade Portuaria Ferrol-San Cibrao, entidade estatal con presidencia designada pola Xunta de Galicia, é titular da Illa Pancha e do seu acceso desde a Praia de Rocas, e leva varios anos facéndose a preguiceira para arranxar ese viario de acceso que se atopa nun pésimo estado de conservación”.
O alcalde ribadense lembrou que “pedímosllelo formalmente hai xa varios anos cando empezabamos a proxectar, no noso ámbito, a mellora da estrada do faro e a creación do carril-bici. Pedímoslle que o continuase no seu terreo ata precisamente a Illa Pancha. Esta entidade esixiunos os terreos necesarios e os permisos para ese ensanche. Conseguímolos e xa llelos trasladamos hai moito tempo”.
Fernando Suárez seguiu a relatar: “pero o tempo pasa, e vemos que os tempos de reacción para amañar as infraestruturas de uso público e común non teñen a mesma prioridade que a inquina que tiveron en non abrir a porta da Illa Pancha, tendo que o Concello chegar a desmontala. Por certo, desde aquela son xa milleiros de persoas as que se teñen achegado á Illa Pancha, dentro da súa liberdade de uso como o resto do litoral”.
O rexedor engadiu: “gustaríanos pensar que as obras de mellora deste acceso se foran facer de seguido, pero moito nos tememos polas vagas respostas e evasivas varias que aló no 2024 as obras serán realidade. Incluso máis tarde que a desmontaxe das torretas de alta tensión, que tamén levou o seu, despois dos interminables permisos e autorizacións administrativas que houbo que conseguir, por fin a empresa eléctrica xa está executando nas obras”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
