A Mariña, 6 de maio. Este venres, no Hotel San Briz, o Bng presentou a súa candidatura á alcaldía da Pontenova, encabezada por Xorxe Gómez Rico. Na presentación, ademais do candidato interviron o deputado mariñao Daniel Castro, e Jorge Macía, membro da candidatura.
Desde o BNG aseguran que é posible un futuro mellor, aproveitando e desenvolvendo as potencialidades do municipio, que son moitas. Para eso é necesario remar todos na mesma dirección, afirman, “creando un clima de colaboracion e consenso entre os diferentes axentes económicos, sectores sociais e institucións, para ofrecer aos cidadáns e cidadás da Pontenova un pobo máis moderno, dinámico e innovador, aproveitando tamén toda a nosa riqueza agroforestal e gandeira que ainda está por explotar en todo o seu potencial”.
Apostan por dinamizar o comercio local de proximidade incentivando o consumo dos diferentes produtos e artigos da súa ampla oferta, e traballarán desde o concello para facilitar o establecemento de empresas no municipio, e axudando especialmente a aquelas persoas que queren emprender un negocio.
A gran cantidade de recursos naturais, paisaxísticos, patrimoniais e culturais de que dispón o concello é outra das liñas de actuación dos nacionalistas, pois tén que ser a base dun turismo sustentable, de calidade, e que xere oportunidades económicas e laborais para a poboación.
Proponen tamén a participación de todo o tecido asociativo na toma de decisións que teñan a ver co seu ámbito sectorial, ao igual que a de todos os veciños e veciñas, por eso a participación veciñal na vida municipal sexa un dos piares da Pontenova do futuro , e polo tanto habilitarán mecanismos tales coma os orzamentos participativos, para que esto sexa posible.
O desenvolvemento de políticas de igualdade públicas, desenvolvendo programas e actuacións nesta materia de xeito interxeracional e a nivel educativo para conseguir un concello máis igualitario e xusto é outro dos piares das accións do BNG no concello.
A candidatura é a seguinte:
1. Xorxe Gómez Rico
2. Carmen Otero Ruiz
3. Marina Fernández López
4. Jorge Macía González
5. Tania Pardo Santos
6. Borja Rodríguez Aguirre
7. Pablo Méndez Díaz
8. Xosé Luis Gutiérrez Rivas
9. José Antonio González Rego
10. Manuel Rodríguez Méndez
11. José Pedro Reigada Peña
Suplente:
1. Antonio Díaz Lombardía
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
