Os traballos arrancaron esta semana na LU-P-1906 que une os núcleos de Pedrafitelas con Os Cangos pasando por Vilares, e contan cun investimento da institución provincial de máis de 46.000€
Lugo, 8 de xuño de 2023. A Deputación de Lugo comezou as obras para mellorar o firme e a drenaxe na estrada provincial LU-P-1906, que comunica os concellos da Fonsagrada e de Ribeira de Piquín, cun investimento de máis de 46.000€. Este proxecto de acondicionamento contempla unha actuación nesta vía provincial, que une os núcleos de Pedrafitelas con Os Cangos, pasando por Vilares.
Concretamente, actuarase no tramo que vai do punto quilométrico 1,544 ao 1,894. A empresa Construcciones Carballeira SL é a encargada de realizar estes traballos que comezaron esta mesma semana co corremento de terras necesario para levar a cabo as posteriores tarefas de drenaxe e a execución de cunetas rebasables formigonadas dun metro de ancho e 10 centímetros de profundidade, o que mellorará a capacidade de evacuación das augas pluviais permitindo unha maior rapidez de desaugue e aumentando a seguridade no tránsito. A actuación completarase coa pavimentación da calzada neste tramo da vía, e está previsto que finalice nas vindeiras semanas.
Esta é unha vía moi empregada pola veciñanza dos concellos de Ribeira de Piquín e A Fonsagrada, pero tamén por persoas que se achegan á zona de montaña dende A Terra Chá. Ademais, empresas forestais empregan habitualmente esta vía para transportar madeira.
A institución provincial enmarca estas actuacións na liña de traballo levada a cabo para a mellora da rede viaria provincial máis extensa de toda España, que conta con máis de 4.000 quilómetros.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
