Burela, 21 de xullo, 2023. A Organización de Produtores Pesqueiros do Porto de Burela, en colaboración con Dietista Magnética, organizou este xoves en Valladolid unha xornada sobre alimentación saudable na que a protagonista foi a ‘Merluza D& Burela’.
O grupo de participantes visitou este xoves pola mañá o Mercado del Val de Valladolid, en cuxas peixarías lles explicaron como diferenciar o peixe branco do azul polo tipo de cola e sobre todo o que significa unha marca de calidade, como ‘Merluza D& Burela’, detallando a arte de pesca e as zonas nas que se captura a pescada.
A xornada celebrouse nun ton moi distendido e con alta participación por parte do público, sobre todo os nenos asistentes, que fixeron moitas preguntas sobre a pescada e o peixe en xeral.
A continuación Dietista Magnética ofreceu unha charla divulgativa sobre a importancia do peixe na nosa alimentación, destacando as súas propiedades e beneficios para a saúde.
Finalmente tivo lugar unha degustación de receitas de pescada elaboradas pola chef María José, do Gastrobar Menganita: “Taco de Merluza D& Burela confeitada a baixa temperatura e con ajada” e “Tapa de Merluza D& Burela con boletus e costra de alioli”, acompañadas de limonada natural.
Algunhas das persoas participantes pediron as receitas por escrito para poder repetilas nas súas casas e outras recoñecían que probaban o peixe por primeira vez, o que xustifica a celebración deste tipo de citas, achegando o “Peixe de Burela” a zonas do interior e fomentando o consumo de peixe entre a poboación.
Esta acción inclúese no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa, e está cofinanciada pola Xunta de Galicia e o FEMPA.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
