O Grupo Municipal Popular non entende que “para os socialistas a creación de emprego non sexa o suficientemente importante” e lamenta que non solicitaran axudas para o campamento de verán nin saiban con que partida orzamentaria pagalo, “o que demostra a súa improvisación”
Lourenzá, 16 de outubro de 2023. O Grupo Municipal Popular de Lourenzá advirte da “desgana” do goberno local socialista, “tal e como demostraron os seus membros no pleno celebrado esta semana” ao confirmar que non solicitaron axudas nin para o desenvolvemento dun obradoiro de emprego nin para a organización do campamento de verán.
Os populares non entenden que o goberno socialista rexeite un obradoiro para formar aos veciños no paro para mellorar a posibilidade e atopar un emprego ao mesmo tempo que lles proporciona un posto de traballo por uns meses -e todo pagado pola Xunta-. De feito, consideran “unha aberración” que o goberno local “se escuse dicindo que non hai xente interesada”, a pesar de ser coñecedores de importante número de persoas en situación de desemprego que rexistra o noso municipio. “Para eles non é o suficientemente importante”, consideran.
Igualmente, dende o PP lamentan que o equipo de goberno non solicitase a subvención para o campamento de verán escusándose en que requiría moitos trámites e era moi difícil de xustificar, o que demostra “poucas ganas de traballar, algo que non se debe tolerar de ningún representante público”. Tamén inciden na “improvisación” por parte do goberno socialista que “recoñeceu que non sabe de que partida orzamentaria concreta retirarán o diñeiro para pagar este servizo”.
Así, dende o Grupo Municipal Popular consideran que “Lourenzá merece un goberno responsable, que xestione debidamente as cuestións do día a día do Concello e que tamén atenda ás cuestións administrativas para tratar de captar axudas das que se poidan beneficiar os veciños e veciñas”.
Nese sentido, condenan que “o goberno local socialista desenvolva unha política de brazos caídos, a de facer o mínimo” como queda demostrado coa perda dunha brigada forestal contra incendios pola súa falta de traballo e previsión. Outro exemplo constitúeno os contedores soterrados da rúa Montero Villegas sen funcionar durante moito tempo no que foron substituídos por outros móbiles que ao estar sucios ofrecen unha mala imaxe aos veciños e visitantes, especialmente aos peregrinos do Camiño Norte.
Ademais da sucidade nos contedores, os populares reclamaron no pleno unha maior limpeza das rúas e beirarrúas propoñendo o desenvolvemento dun plan de limpeza periódico, pero “o goberno local aproveitou a situación de escaseza de auga para poñela como escusa cando todos os veciños e veciñas sabemos que non se limpan dende fai anos”.
PLENOS EN DIRECTO
Dende o Grupo Municipal Popular tamén reivindicaron a emisión dos plenos en directo, como fan outros Concellos, para os veciños e veciñas que queiran seguilo. Pero, “os socialistas aseguran que non é necesario”, conclúen os populares.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
