O candidato do PSdeG á Presidencia da Xunta, José Ramón Gómez Besteiro, reuniuse hoxe cos representantes da frota do cerco e a Confraría de Pescadores que lle trasladaron a súa preocupación polo descenso do consumo de peixe
Malpica, 19 de xaneiro de 2024. José Ramón Gómez Besteiro candidato do PSdeG á Presidencia da Xunta, apostou hoxe por “introducir o peixe dúas ou tres veces por semana nos menús dos comedores escolares e promover campañas que inciten ao consumo de peixe, en xeral, non só porque é un hábito saúdable, senón porque contribúe ao mantemento dun sector produtivo moi importante no noso país como é o da frota de cerco” e aludiu ao interese dos nutrientes que contén o peixe. “O cerco é, amais, a arte de pesca máis sustentable medioambientalmente pero tamén redunda directamente na economía local do país”
Tras reunirse en Malpica coa Asociación de Armadores do Cerco de Galicia (ACERGA) e o seu presidente, Alberto Castro, e o patrón maior e socios da Confraría de Pescadores de Malpica, Besteiro comprometeuse á ampliación do dique de abrigo da localidade cando sexa presidente da Xunta e sacar á consellería do Mar do actual estancamento e anunciou a posta en marcha de medidas de apoio para a adaptación do sector aos novos procesos, que inclúen a dixitalización total dos controis pesqueiros.
Besteiro apelou á necesidade de colaboración e traballo conxunto entre administracións e mesmo coa Unión Europea para acadar obxectivos satisfactorios para os intereses galegos e recordou que “Rueda non pisou Bruxelas desde que é presidente da Xunta. Nós cremos que temos que estar presentes onde están os intereses da nosa xente”.
Así, recordou que a Xunta do PP non executou o 51% do fondo europeo para a Pesca (FEMP), perdendo unha gran oportunidade para modernizar do sector pesqueiro. Un exemplo claro da mala xestión do PP na Xunta nos últimos dez anos.
Igualmente constatou novamente a “necesidade de recuperar un organismo semellante ao antigo FROM que promova o consumo de peixe fresco ante o cambio de modelo de alimentación e cultural” da sociedade actual. Unha proposta coa que coincidiu o representante de ACERGA, xa que o consumo de peixe descendeu un 32% na última década en España.
En especial, subliñou o candidato socialista, promover o peixe como o xurelo, a sardiña… que provén da pesca do cerco que é a que menos pegada de carbono deixa e a máis respectuosa coa biodiversidade mariña, sostén a unha parte das economías locais e fixa poboación na costa galega.
Os representantes de ACERGA lembraron e agradeceron o apoio á frota do cerco do agora candidato socialista á Xunta cando estaban acampados fronte á Xunta para protestar polos recortes nas cotas de xurelo.
Por outra banda, Besteiro salientou que precisamente Galicia sexa o lugar escollido polo presidente do Goberno de España, Pedro Sánchez, para celebrar a Convención Política na que os socialistas de todo o Estado deseñarán “as políticas do futuro”. Dixo que Galicia está así “no lugar que merece”, e que vai marcar o “rearme ideolóxico” do partido fronte a retos fundamentais para o futuro, como a transición ecolóxica, a reindustrialización, a igualdade ou a blindaxe dos servizos públicos.
Sinalou que o goberno do Estado “escribe con maiúsculas o compromiso” con Galicia coa presenza dos ministros e ministras socialistas, que esta fin de semana certifican a responsabilidade de impulsar a modernización e transformación do país comezando por esta Comunidade Autónoma. Salientou que Galicia será o epicentro do novo pulo do PSOE para impulsar o país co obxectivo de crear máis e mellores empregos, seguir avanzando en dereitos e garantir a convivencia.
Asemade, confirmou a súa presenza na manifestación do próximo domingo en Santiago de Compostela en defensa do noso mar e das súas xentes. “Un sector económico con gran peso no noso país e do que viven moitas familias e que temos que defender ante a incompetencia, ocultación, inacción e, sobre todo, as mentiras de Rueda ante a crise da marea branca dos plásticos”.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
