A candidata número tres da candidatura socialista pola provincia de Lugo ás eleccións autonómicas xunto á candidata Catalina Fernández e á voceira do PSdeG vicedense denunciou o estado no que está a sanidade, a educación ou a vivenda dende que goberna o PP en Galicia
O Vicedo, 4 de febreiro de 2024. A número tres da candidatura socialista pola provincia de Lugo ás eleccións autonómicas, Mayra García Bermúdez, reivindicou este domingo nun mitin no Vicedo as políticas que José Ramón Gómez Besteiro porá en marcha á fronte da Xunta de Galicia para poder recuperar os servizos públicos que “co PP se viron minguados nos últimos 15 anos”.
García Bermúdez fixo estas declaracións xunto á candidata número nove, Catalina Fernández, e á voceira dos socialistas no Vicedo, María Santaballa. Denunciou que a sanidade, a educación, as pensións ou a vivenda, entre outros servizos públicos que impulsou e mellorou o PSOE, están vivindo os seus peores momentos “nunca a nosa Atención Primaria estivo tan mal, non queremos nin un só concello sen médico nin sen mestre, non o vamos permitir”. Apostando por Besteiro o vindeiro 18-F, significará apostar polos servizos públicos e a creación de emprego, dixo, “afrontaremos un dos maiores retos que temos en todo o país, como é o demográfico”.
Na mesma liña se manifestou Santaballa, quen foi firme ao urxir un Goberno socialista na Xunta para “priorizar a sanidade, a educación e a asistencia social para todos os galegos e galegas, e dende logo, para a veciñanza do Vicedo”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
