Os deportistas da ACD Ujeong conseguiron catro medallas no Open Internacional da Alcarria
Viveiro, 1 de xullo de 2025. Os taekwondistas de Viveiro veñen de pechar a temporada cuns excelentes resultados nas derradeiras probas do curso. Valeria Fernández Vilar proclamouse campioa galega en categoría promesas combate –P8– na competición celebrada en Cangas (Pontevedra); ese resultado permitiulle unificar os títulos de campioa provincial e autonómica escolar de combate.
Outros membros da ACD Ujeong de Viveiro, que competiron co Club Jansu de Vilalba, acadaron tamén bos resultados no Campionato Provincial Escolar. En categoría precadete, Marius Adrian Chitu, Daniela Lamelas e Felicita Gutiérrez conseguiron tres medallas de prata. Ademais, Nicolás López acadou o quinto posto. En categoría infantil, Roberto Fernández e Xenxo Romero conseguiron dous subcampionatos.
No Campionato Autonómico escolar, o equipo vivariense logrou unha medalla de bronce por medio de Roberto Fernández; mentres que Marius Adrian Chitu, Daniela Lamelas, Xenxo Romero e Felicita Gutiérrez acadaron cadanseus quintos postos.
Ademais, Valeria Fernández Vilar e Yeray López Escourido desprazáronse o pasado fin de semana ao cuarto Open Internacional da Alcarria, en Azuqueca de Henares (Guadalaxara), un dos torneos máis recoñecidos no ámbito nacional. Valeria Fernández Vilar conseguiu a prata en técnica cadete adulto individual, o bronce en técnica parellas cadete e o bronce en combate cadete, en menos de 55 quilos. Yeray López Escourido, pola súa banda, acadou a prata en combate júnior (ata 59 quilos) e o sexto posto en técnica júnior adulto.
Tras pechar a tempada de competición, o club centrarase no campus de verán da ACD Ujeong, coa vista posta nos primeiros Xogos Nacionais de Combate e no Campionato de España de Clubs, que se celebrarán en novembro e decembro na Nucia (Alicante).
Mariña Gueimunde, alcaldesa de Viveiro, felicitou aos deportistas viveirenses polos logros acadados: «Sentímonos orgullosos de contar con mozos e mozas que levan o nome de Viveiro aos podios autonómicos e nacionais cunha dedicación constante e exemplar. Dende o Concello seguiremos apoiando o deporte base e competitivo como ferramenta de formación».
A restrición de circulación manterase durante a xornada mentres se desenvolvan os labores, que teñen como obxectivo garantir a seguridade viaria e facilitar a execución dos traballos. Durante este tempo, as persoas que necesiten acceder ás zonas de Santo Albites, Pénjamo ou San Lázaro deberán facelo polo acceso de Río dos Foles. O Concello de Viveiro agradece a comprensión da veciñanza e recomenda extremar a precaución e seguir a sinalización habilitada mentres duren os traballos.
Félix Jorquera pasará polos micrófonos de RadioVoz ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
Comezou o mércores ás 13,35 horas e para a súa extinción mobilizáronse, ata o de agora, 2 técnicos, 10 axentes, 20 brigadas, 17 motobombas, 3 pas, 3 helicópteros e 2 avións. 
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
O acto terá lugar ás 18:30 no paseo da Dársena, onde se instalará un hito que lembra a súa distinción como Fillo Predilecto de Navia. Tamén se descubrirá a placa dos gañadores absolutos da LXVII edición do Descenso, celebrada en 2025. “Moreno”, falecido en 2023, dedicou máis de seis décadas a impulsar esta cita deportiva, converténdoa nun referente nacional e internacional. A alcaldesa, Ana Isabel Fernández, destacou que foi “a alma máter do Descenso” e convidou á veciñanza e participantes a asistir ao acto de recoñecemento.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
