A nova executiva local combina experiencia e renovación, cun equipo plural comprometido cos retos sociais, económicos e territoriais do municipio
Viveiro, 1 de xullo de 2025. O PSdeG-PSOE de Viveiro renovou esta semana a súa Comisión Executiva Municipal, nunha asemblea na que foi reelixida María Loureiro García como Secretaria Xeral. A nova dirección local está conformada por un equipo plural, representativo e comprometido coa realidade social, económica e territorial do municipio.
Segundo sinalan desde a formación socialista, a nova executiva combina experiencia e renovación, e nace coa vontade de recuperar a confianza, a participación e a ilusión da militancia e da veciñanza. O obxectivo da nova dirección é fortalecer o partido a nivel local, ampliar a súa base social e construír unha alternativa de futuro para Viveiro desde os valores da esquerda.
A nova executiva queda conformada polos seguintes cargos:
Secretaria Xeral: María Loureiro García
Vicesecretario Xeral: Jesús Fernández Cal
Secretaria Organización: María del Carmen Franco Díaz
Secretario de Política Municipal, Economía e Facenda: Jesús Fernández Fernández
Secretaría de Industria, Comercio y Turismo: Jacobo Bermúdez
Secretaría de Medio Rural: Vicente Hermida Rodríguez
Secretaría de Política Social, Muller e Igualdade: Covadonga Viamonte Aguiar
Secretaría de Xuventude, Innovación e Novas Tecnoloxías: Iber Xosé Sánchez Rey
Secretaría de Educación y Deportes: Andrea Ríos Rodríguez
Desde o PSdeG-PSOE de Viveiro explican que se trata dun equipo organizado arredor das áreas clave do municipio, cunha estrutura inspirada no propio organigrama do Concello e nos perfís das persoas que integran a executiva. Cada secretaría foi deseñada tendo en conta a experiencia ou motivación específica das persoas responsables, coa finalidade de desenvolver un traballo útil e pegado á realidade.
Entre as primeiras liñas de acción da nova dirección local destacan:
A reactivación da actividade política nas parroquias, cunha presenza directa da executiva e das persoas militantes interesadas en participar.
A organización de encontros, campañas e espazos formativos que dean protagonismo á base militante.
A posta en marcha de accións abertas á cidadanía, campañas de afiliación e iniciativas para atraer persoas novas, mulleres e colectivos con interese en construír un Viveiro máis xusto e igualitario.
Desde a executiva local subliñan que “O PSdeG-PSOE forma parte da historia deste concello e tamén queremos que sexa parte do seu futuro: un futuro con dereitos, con servizos públicos de calidade e con oportunidades para toda a veciñanza”.
“Afrontamos esta nova etapa con ilusión renovada e co compromiso firme de facer do socialismo viveirense unha ferramenta moderna, útil e centrada nas persoas”, conclúen.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
