As chamadas “illas urbanas” impulsadas polo alcalde están a converterse na súa principal marca de identidade, tanto no plano físico como no político
Foz, 2 de xullo de 2025. O Partido Popular de Foz denuncia a deriva “autoritaria” e caótica na que Cajoto está afundindo ao concello, gobernando con soberbia, sen diálogo e completamente illado da realidade social e política, “ao máis puro estilo de Pedro Sánchez”.
As chamadas “illas urbanas” impulsadas polo alcalde están a converterse na súa principal marca de identidade, tanto no plano físico -con beirarrúas mal deseñadas e cruces perigosos sen pasos de peón pintados- como no político, ao actuar illado e sen contar coa opinión dos veciños, da corporación municipal ou mesmo da Policía Local. “Cajoto despreza á Policía Local, ignora á maioría da corporación e dálle as costas aos veciños. Informa pola prensa ou nin iso. Decide, cambia e executa sen contar con ninguén, como Sánchez en Moncloa”, critica o voceiro do PP de Foz, Javier Castiñeira.
A toma de decisións unilaterais por parte do rexedor está a provocar confusión, malestar e burla entre a cidadanía e os visitantes. Os novos cambios de tráfico -efectuados sen consenso e sen aviso previo- están a dificultar a mobilidade dos veciños, a desorientar os turistas e a entorpecer o traballo dos profesionais e empresas locais.
“A xente xa non entende nada. Hai rúas pechadas, outras cambiadas de sentido sen lóxica ningunha, e moitos dos percorridos recomendados nin sequera aparecen nos GPS. Foz semella un labirinto improvisado”, lamenta Castiñeira.
Cajoto que encargara un plan de mobilidade no que presumía apoiar a súa política urbana, acabou modificándoo pola súa conta e risco, sen dar explicacións, nin buscar acordos.
O PP lamenta que, xa no inicio do verán, a vila presente un aspecto desastroso, con obras a medias, lixo acumulado, sinais contraditorias e unha sensación xeral de desorganización que prexudica gravemente a imaxe de Foz, especialmente nun momento clave para o turismo.
“O que vivimos o verán pasado vai quedar pequeno en comparación co que nos espera este ano”, advirte o voceiro popular, que esixe responsabilidade, diálogo e unha xestión seria e participativa para poñer fin ao despropósito no que, segunda denuncia, está sumida a vila.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
