O Concello facilitou ao persoal un curso de salvamento en moto acuática e outro de emerxencias e primeiros auxilios
Barreiros, 2 de xullo de 2025. O servizo de salvamento e socorrismo de Barreiros completou onte o seu cadro de persoal, coa incorporación de 6 auxiliares que reforzarán os 22 socorristas e as 2 técnicas sanitarias contratadas. Compétase así un cadro de persoal de 30 persoas que aínda non é suficiente para un servizo completo en todos os areais.
A alcaldesa, Ana Ermida, explicou que “o persoal de socorrismo e sanitario leva contratado desde mediados de xuño, co fin de organizar o servizo e mellorar a súa formación”. Neste sentido, a rexedora informou de que o Concello organizou dúas formacións que melloran os coñecementos do persoal e reforzan a súa seguridade.
Trátase dun curso de tres xornadas para manexo de moto acuática e manobras de rescate con este vehículo, no que participaron as 10 persoas que contan con licenza de navegación para manexar a embarcación.
O outro curso, dirixido a todo o persoal, é unha formación en emerxencias e primeiros auxilios que refresca uns coñecementos que xa teñen e reforza a súa seguridade á hora de aplicar a teoría.
Ambos cursos contaron con partes prácticas, nas que o persoal puido resolver dúbidas na aplicación do seu coñecemento.
A alcaldesa agradeceu a participación de todo o persoal nestes cursos, “o que demostra o seu compromiso co traballo e a responsabilidade coa que o exercen.” “O Concello realiza un esforzo importante á hora de dotar o servizo de coñecementos e recursos e é un pracer que ese esforzo se vexa correspondido polo persoal. E estas dúas cuestións son a clave das melloras que se produciron no servizo nos últimos anos: seriedade, esforzo e seriedade; que son as características que definen actualmente o servizo de salvamento e socorrismo de Barreiros”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
