Ribadeo, 2 de xullo de 2025. O Salón dos Alcaldes acolleu a firma do convenio para a mellora do abastecemento de auga de Ribadeo e de Trabada, que suporá un investimento de 8,5 millóns de euros. O prazo de execución será de 15 meses.
O acto estivo presidido pola conselleira de Medio Ambiente, Ángeles Vázquez, que subliñou que a Xunta financia o 80% desta importante obra, dos que o 60% son fondos europeos, o Concello de Ribadeo achega o 20% e o Concello de Trabada pon terreos para poder acometer os traballos de mellora deste abastecemento de auga. O alcalde ribadense, Dani Vega, agarda que a Deputación de Lugo se sume a este proxecto.
O rexedor destacou a colaboración e o entendemento entre os Concellos de Trabada e de Ribadeo e a boa disposición da Xunta de Galicia para poder levar adiante unha obra que considera “vital e moi importante para Ribadeo, xa que corremos un risco importante de quedar sen auga en calquera momento por culpa das continuas roturas que estamos a sufrir na rede”. O rexedor subliñou que “non é un problema de recurso hídrico. Auga temos, pero o que falla é o conduto”.
O alcalde de Trabada, Rubén García, destacou que “a sinatura deste convenio é un paso adiante froito da boa colaboración institucional. En especial queremos poñer en valor o entendemento e coordinación entre o Concello de Trabada e o Concello de Ribadeo, que permitiu avanzar nun proxecto necesario para garantir un servizo básico e esencial como é o da auga potable”.
A licitación da mellora do abastecemento de auga de Ribadeo e Trabada terá lugar a finais deste mes de xullo, segundo anunciou a conselleira Ángeles Vázquez, e as obras desenvolveranse ao longo do vindeiro ano 2026. Os traballos, que tamén inclúen a humanización da senda do tren mineiro ou a rehabilitación da ponte sobre o Río Grande, estarán rematados en 2027.
No acto houbo intervencións dos alcaldes de Ribadeo e de Trabada, do director de Augas de Galicia, e da conselleira de Medio Ambiente. Tamén estivo o director territorial deste departamento. Concelleiras e concelleiros das Corporacións Municipais de Ribadeo e de Trabada asistiron á firma, así como representantes de Acisa e de asociacións veciñais ribadenses.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
