A veciñanza que desexe colaborar ou seguir a actividade da asociación pode facelo a través de Instagram, TikTok (@coloniasrueiras) e Facebook (Colonias Callejeras)
Viveiro, 20 de febreiro de 2024. O Concello de Viveiro informa da creación da asociación Colonias Rueiras, que se adicará á xestión das colonias felinas da vila coa colaboración e coordinación da Concellería de Medio Ambiente e de Protección Civil.
En base á nova Lei estatal de Benestar Animal, o Concello ten a obriga de xestionar a situación dos gatos que viven na rúa. Dita xestión será, así mesmo, desenvolvida a través da ordenanza municipal de Protección e tenza de animais.
Con esa finalidade, e coa colaboración da cidadanía mediante a asociación, a Tenencia de Alcaldía, a través da Concellería de Medio Ambiente, comeza cos traballos correspondentes, identificando tanto ás colonias como ás persoas alimentadoras autorizadas.
A primeira actividade da asociación foi o programa educativo ‘Coñece ó gato comunitario’, no colexio de Celeiro. O programa vén acompañado dunha campaña de concienciación para darse a coñecer, na que se prevé que colaboren todos os centros educativos do municipio.
A tenenta de alcaldesa Míriam Bermúdez sinala que “é importante ter en conta que, unha vez aprobada a nova ordenanza, non se poderá alimentar aos gatos sen ter o carné que autoriza a facelo”.
“Esta xestión vai contribuír non só a un maior benestar dos animais, senón tamén a unha maior hixiene e a unha mellor apariencia da vila, a través do método CER de Captura, Esterilización e Retorno á colonia”, explica Bermúdez.
A tenenta de alcaldesa lembra así mesmo que “sempre houbo gatos en Viveiro, xa que son necesarios para a vila, pois axudan a controlar por exemplo a presencia de ratas”.
Está previsto que se lles aplique este método a uns 65 gatos dos pouco máis de 300 que hai identificados, para reducir a súa superpoboación dun xeito controlado.
A veciñanza que desexe colaborar ou seguir a actividade de Colonias Rueiras pode facelo a través das súas redes sociais, estando presentes en Instagram e en TikTok como @coloniasrueiras e en Facebook como Colonias Callejeras.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
