Caramés: “A pesar da complexidade do proceso, a tenacidade que amosamos desde o Concello dá agora os seus froitos; é un día importante para Cervo no que vemos moi preto a meta dun camiño que sumou máis de 300 expedientes”
Cervo, 22 de febreiro de 2024. O Concello de Cervo inicia este ano 2024 acadando un obxectivo ambicioso perseguido desde hai anos, que é o de recuperar totalmente a zona da Atalaia.
Neste senso, este xoves deron comezo os traballos de demolición parcial da estrutura que fora levantada no ano 2007 que acadará a proporcionalidade e a altura acorde ás construcións da zona, unhas dimensións idóneas para poder facer un aproveitamento do espazo no que está proxectado o futuro Centro Arqueolóxico da Mariña.
A rexedora, Dolores García Caramés, a tenente de alcaldesa, Mali Méndez, e o concelleiro, Alfredo Fernández, foron testemuñas este xoves “deste día importante” no que damos un paso de xigante para culminar o noso obxectivo de recuperar a panorámica de toda esta zona.
A alcaldesa explicou que o orzamento destes traballos ascende a 120.239,12 euros, e tamén quixo apuntar que a pesar da envergadura da actuación, o día a día da veciñanza que habita na zona apenas se verá afectado, “a obra vai influír minimamente no tráfico rodado e peonil, polo que nos apuntan os técnicos”.
O volume total a demoler ascende a 5.548,71 m3, e na estrutura aproveitaranse os sotos como aparcamentos e tamén para uso municipal; a demolición controlada farase en sentido descendente e empregarase a maquinaria habitual para este tipo de traballos e tamén robots manexados a distancia, para minimizar o impacto acústico e ambiental.
A alcaldesa recordou que o camiño non foi nada sinxelo, o expediente para chegar a esta demolición iniciouse no mes de outubro do 2018 e o Concello de Cervo foi tenaz e insistente e nunca desistiu no empeño de eliminar estas edificación e devolver á Atalaia o se esplendor, logo de máis de 300 trámites administrativos.
Este 22 de febreiro de 2024 é pois unha data marcada no calendario na que comezan os traballos de demolición que nos permitirán “eliminar o groso desta construción que provoca ese impacto tan negativo en toda a Península, mantendo os baixos da edificación que aproveitaremos para a creación do Centro Arqueolóxico da Mariña, o primeiro destas características na contorna”, sentenciou a rexedora.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
