Nunha reunión convocada este xoves polo Presidente, a Xunta de Voceiros acordou o documento en conmemoración do 8M, no que a institución provincial asume como prioritario o reto da igualdade e o traballo no deseño de políticas transversais que teñan unha óptica feminista
Lugo, 7 de marzo de 2024. A Xunta de Voceiros da Deputación de Lugo aprobou nunha reunión convocada para este xoves polo Presidente, José Tomé Roca, unha Declaración Institucional con motivo do Día Internacional da Muller. O documento acordado conta co apoio dos tres grupos representados na Corporación: PSdeG, BNG e PPdeG.
Na declaración, a Deputación asume como prioritario o reto da igualdade e o traballo no deseño de políticas transversais que teñan unha óptica feminista e tamén manifesta “un empeño especial en fomentar ese traballo nos pequenos concellos, conscientes de que unha institución como a nosa ten o deber de chegar a todo o territorio”.
DECLARACIÓN INSTITUCIONAL
Como cada 8 de marzo, Día Internacional das Mulleres, a Deputación Provincial de Lugo súmase a esta xornada de reivindicación, dende o compromiso coa plena igualdade e o convencemento de que acadala é o requisito indispensable para poder acadar unha sociedade plenamente democrática. Non hai verdadeira democracia, non hai avances xustos se deixamos atrás ou non garantimos os dereitos da metade da poboación. As mulleres non son un colectivo, as mulleres son a metade da Humanidade. Por iso, democracia e feminismo son palabras complementarias, que se precisan a unha á outra. Porque son as democracias as que máis teñen feito historicamente por garantir os dereitos das mulleres; e porque non hai plena democracia ata que esta integra verdadeiramente os postulados da igualdade.
Compartimos plenamente o lema elixido este ano polas Nacións Unidas para conmemorar esta data: “Investir nas mulleres: acelerar o progreso”. Tal como expresa Nacións Unidas, “a igualdade de xénero é o maior desafío actual en materia de dereitos humanos”. As ditaduras, o totalitarismo e as forzas da regresión poñen un acento especial en recortar, en primeiro lugar, os dereitos das mulleres. E nos conflitos que por desgracia volven percorrer Europa e o Mundo, as mulleres son obxecto dunha violencia específica, dirixida contra elas polo mero feito de ser mulleres.
En materia económica, e a pesares do que levamos avanzado, segue sen acadarse a plena igualdade salarial e persisten os teitos de cristal. Cando empeora a calidade dos servizos públicos, son as mulleres as que se ven prexudicadas de xeito especial porque seguen a cargar cos coidados das crianzas e das persoas maiores ou coa atención ás persoas enfermas. Isto é especialmente visible en sociedades de gran peso do mundo rural, como ocorre en Lugo. Segundo a recente enquisa do CIS as mulleres dedican ás tarefas do fogar 172 minutos (case 3 horas) de media ao día, fronte a 127 minutos dos homes; as mulleres dedican 6,7 horas aos seus fillos, os homes ocupan case a metade: 3,7 horas do seu tempo. Son cifras que cómpre cambiar, fomentando a corresponsabilidade e tamén apostando polos servizos públicos.
Non se pode dar un paso atrás. Non podemos retroceder na igualdade de dereitos, na integración laboral ou no desenvolvemento de modelos sociais e servizos públicos que garantan a cada muller o marco social e persoal preciso para desenvolver o seu proxecto persoal. En decembro de 2023, había case 9,9 millóns de mulleres traballando. O traballo e a independencia económica son o primeiro elemento das políticas sociais, e tamén das políticas de igualdade.
Non se poden cuestionar realidades tráxicas como a violencia de xénero. É imprescindible renovar o gran logro social e político que supuxeron as leis que recoñecen a violencia de xénero como un problema estrutural dunha sociedade patriarcal, e axuntar esforzos e recursos para previr esta violencia e para atender as vítimas, as familias e os nenos e nenas orfos.
Dende a Deputación de Lugo, asumimos como prioritario o reto da igualdade e traballamos no deseño de políticas transversais que teñan sempre unha óptica feminista. E poñemos un empeño especial en fomentar ese traballo nos pequenos concellos, conscientes de que unha institución como a nosa ten o deber de chegar a todo o territorio.
Hoxe é un día para celebrar e renovar uns compromisos que temos que manter vivos os 365 días do ano, a todas horas, tanto no mundo urbano como no rural. Porque o feminismo é un berro reclamando os plenos dereitos de cidadanía por parte da metade de nós. E non poderemos acadar nada do que aspiramos a conseguir, no eido do progreso, dos dereitos, da economía ou da ecoloxía se tentamos percorrer o camiño partidos pola metade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
