O mandatario será recibido ás 14:00 pola corporación municipal, e a partir das 17:00 terá lugar no salón de plenos un encontro coa comunidade caboverdiana de Burela
Burela, 2 de abril de 2024. O Concello de Burela recibirá este domingo, día 7 de abril, a visita de José Maria Pereira Neves, presidente da República de Cabo Verde, e unha ampla delegación de embaixadores, cónsules e outros cargos públicos deste país africano.
O mandatario chegará ao municipio en torno ás 14:00, momento no que visitará a Casa do Concello xunto coa súa comitiva. Será recibido pola alcaldesa e a corporación municipal, e firmará o libro de honra do Concello. Participarán tamén nesta recepción representantes do Goberno de España, da Xunta de Galicia e da Fundación Expomar.
Posteriormente, a comitiva visitará o barco museo Reina del Carmen e as instalacións do porto. A partir das 17:00 terá lugar, de novo no salón de plenos do Concello, un encontro entre o presidente e a comunidade caboverdiana residente en Burela.
A alcaldesa Carmela López destaca “o orgullo que supón para Burela ser unha das paradas axendadas polo Presidente de Cabo Verde cando visita o noso país”.
“O noso municipio conta con preto de 500 caboverdianos e caboverdianas empadroadas, polo que esta será unha ocasión perfecta para facer un exercicio de interlocución e de encontro que sentará as bases para establecer novos lazos de colaboración e de sinerxias entre Burela e o país africano”, sinala a rexedora.
Por outra banda, o primeiro tenente de alcaldesa Mario Pillado subliña que “dende a área de Inmigracón, Cooperación e Integración cremos que é fundamental o encontro que o Presidente da República vai manter coa comunidade caboverdiana en Burela”.
“Trataremos de amosarlles as demandas e problemáticas que detectamos no servizo de atención a inmigrantes, e a propia comunidade terá oportunidade de expresar as súas inquedanzas”, explica o concelleiro de Inmigración. “Queremos lograr melloras para a vida da comunidade caboverdiana en Burela, especialmente en canto a trámites burocráticos e administrativos”, engade.
O concelleiro de Mar, Ramiro Fernández Rey, explica pola súa banda que “a comunidade caboverdiana está moi vencellada ao mundo do mar, é algo que une moito a nosa vila co seu país”. “Estamos encantados de que o presidente vaia estar aquí, é unha honra, e agardamos que desfrute moito a visita”, afirma.
O edil tivo ocasión de conversar con Pereira Neves o pasado mes de setembro na décima edición de Expomar, que se celebrou en Cabo Verde. Alí trasladoulle persoalmente o convite a visitar Burela, que agora se materializará este domingo.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
