A proba discorrerá pola localidade fonsagradina e contará cun percorrido de 15 quilómetros. Ademais, complementarase cun ‘minitrail’ de catro quilómetros polo Camiño de Santiago
Lugo, 12 de xuño de 2024. O Deputado de Formación, Ensino e Economía do Coñecemento, Miguel Fernández, presentou este mércores no Pazo de San Marcos, xunto ao Alcalde da Fonsagrada e Deputado de Medio Ambiente, Carlos López, a décima edición da Ruta dos Lobiños que se celebrará o domingo neste municipio da Montaña. A Deputación de Lugo colabora co Concello da Fonsagrada en todo o que ten que ver coa promoción e difusión desta cita cicloturista pensada para os máis pequenos.
Durante a presentación, Fernández felicitou ao Concello e as asociacións colaboradoras coa organización deste evento –Asociación Deportiva Cultural Balompé da Fonsagrada e a ANPA da Fonsagrada- por ser quen de manter no tempo unha proba deportiva destinada ás familias nun pequeno concello do rural. Un rural que, segundo sinalou, está “cheo de oportunidades e de talento” e que “só necesita servizos públicos e de calidade para fixar poboación”.
Deu os parabéns ao Alcalde e ao seu equipo de Goberno “polo compromiso continuo que ten co tecido asociativo da Fonsagrada. Un compromiso que, neste caso, ten a súa tradución nunha cita que fomenta o deporte entre os máis pequenos ao tempo que impulsa o desenvolvemento socioeconómico da comarca”. Nese sentido, o Deputado destacou os valores que transmite o deporte aos máis pequenos e o impacto económico deste tipo de iniciativas.
Dúas probas deportivas en familia
A proba ciclista, que está deseñada para nenos e nenas de 5 a 16 anos e poden apuntarse pais e nais, contará cun percorrido de 15 quilómetros pola localidade fonsagradina. Ademais, a cita contará tamén cun ‘minitrail’ de catro quilómetros na contorna do Camiño de Santiago apto para todos os públicos. Tal e como explicaron o Concelleiro de Deportes da Fonsagrada, Silbán Palmeiro, e o técnico, Enrique Fernández, desde as 9.00 horas poderán recollerse os dorsais na Praza do Concello, lugar de onde sairán os deportistas ás 10.30 horas. Como peche da xornada, a organización convida aos participantes a unha churrascada na Alameda, que comezará ás 14.30 horas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
