O voceiro, José María Fernández, subliña que “no que vai de 2024 a Xunta leva concedido máis de 230.000 euros ao Concello de Trabada en diferentes liñas de axudas”
Trabada, 19 de xullo de 2024. “A Xunta de Galicia continúa investindo en Trabada”, segundo manifesta o voceiro popular, José María Fernández, que explica que “o Concello recibirá unha nova axuda correspondente ao fondo adicional do Fondo de Cooperación Local dirixida á mellora da eficiencia enerxética de edificios de titularidade municipal”. Concretamente, a Xunta concede 60.000 euros para a substitución da cuberta do pavillón polideportivo municipal de Trabada.
Fernández subliña que “trala reunión mantida co delegado territorial da Xunta en Lugo, Javier Arias, xa avanzamos que o Goberno galego seguiría investindo en Trabada despois dos máis de 170.000 euros que achegara ata o momento”.
MÁIS DE 230.000 EUROS EN AXUDAS DA XUNTA
O popular destaca que “no que vai de 2024, a Xunta xa ten concedido máis de 200.000 euros ao Concello de Trabada en diferentes liñas de axudas”. E a isto hai que engadir outras aportacións habituais e o financiamento de servizos públicos de competencia autonómica.
A Xunta aporta 30.000 euros para a área recreativa de Vilapena (a través de axudas para a mellora de infraestruturas turísticas), case 20.000 euros para a renovación da cuberta do Centro Social de Sante (a través da liña de axudas contra o feísmo), máis de 50.000 euros para cubrir o parque infantil (axudas para a mellora de infraestruturas de titularidade municipal), máis de 16.000 euros para a contratación dun traballador (programa APROL Rural), máis de 55.000 euros para o mantemento e mellora do acceso a Val das Eguas e a Penela (co Plan Marco de camiños 2024/2025) e máis de 1.000 euros de axuda ao funcionamento de Protección Civil.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
