“O afán recadatorio do bipartito focense é descomunal: subiron a recollida do lixo, as licenzas de obra, a ocupación de vías para terrazas, as casetas da praia e, agora, aumentan o IBI” finaliza Javier Castiñeira
Foz, 29 de agosto de 2024. O Partido Popular di que os informes técnicos auguran que o Concello de Foz recadará preto de 80.000 euros máis coa nova contribución. “A concelleira Inés Couto fai trampa ao anunciar bonificacións xa que as rebaixas prodúcense onde menos se recada e onde máis se recada haberá subidas. Nos bens inmobles urbanos, no que o concello recada uns 2,8 millóns de euros, sube uns 100.000 euros ao pasar o coeficiente de 0,52 a 0,54 e nas construcións rústicas, onde se cobraban uns 40.000 euros, prodúcese unha rebaixa duns 20.000 euros ao pasar de 0,60 a 0,54 o novo coeficiente”, sinala o voceiro popular, Javier Castiñeira.
Así, a recadación en construcións rústicas supón un 2% da recadación total e nos bens inmobles urbanos, que inclúe o núcleo urbano e núcleos das parroquias, é un 98% da contribución, incrementando esta un 3,8%.
“É un incumprimento máis do PSOE, un incumprimento respecto ao seu propio programa electoral no que dicían que ían a rebaixar a contribución e, neste caso, a volven a subir e se tiveran intención de rebaixa xa o houberan feito cando llo pediu o Partido Popular. Polo tanto, que a credibilidade do señor Cajoto e da señora Couto está polo chan sabeo todo o mundo en Foz xa que levan cinco anos mentíndonos e con falsas propostas” lamenta o voceiro do Partido Popular.
“O afán recadatorio do bipartito focense é descomunal: subiron a recollida do lixo, as licenzas de obra, a ocupación de vías para terrazas, as casetas da praia e , agora, aumentan o IBI e, encima, o señor Cajoto e a señora Couto queren que lles aplaudamos despois de mentirnos e tomarnos por tontos”, finaliza Javier Castiñeira.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
