O Valadouro, 10 de setembro, 2024. Ante a total perda de confianza por parte da alcaldesa do Valadouro nos concelleiros do grupo do PSdeG-PSOE que a apoiaran para ser investida alcaldesa o 17 de xuño do 2023, dona María José Fernández (UDIVAL) nun exercicio de responsabilidade como corresponde á máxima representante dos veciños e veciñas no Concello, quere trasladar que:
Vén de presentar formalmente ante o rexistro municipal a súa renuncia ao cargo de alcaldesa, manifestando a súa vontade de manter a acta de concelleira electa e de permanecer na Corporación municipal ata final do actual mandato.
Tamén vén de cesar da primeira e segunda tenencias de alcaldía designadas os concelleiros dona María Xosé Barreira (PSdeG-PSOE) e don Eduardo Chao (BNG), respectivamente, e de revogar a delegación de funcións nos concelleiros do grupo municipal do PSdeG-PSOE (dona María Xosé Barreiro e don Alejandro Fernández) e BNG (don Eduardo Chao e don Eliseo Teijeiro).
Así mesmo, vén de nomear ao concelleiro don José Manuel Lamela (PP) como primeiro tenente de alcalde do Concello do Valadouro.
E convoca para o 13 de setembro de 2024 a celebración dunha sesión extraordinaria para dar conta do nomeamento do novo tenente de alcalde e someter ao coñecemento do Pleno o escrito de renuncia da condición de alcaldesa.
Posteriormente, para a construción e desenvolvemento dun proxecto de futuro para o noso concello poñendo como prioridade os intereses dos veciños e veciñas, os concelleiros de ambas formacións apoiarán a candidatura á alcaldía de José Manuel Lamela, cabeza de lista da candidatura máis votada nas eleccións municipais do 28 de maio de 2023, nun novo pleno de carácter extraordinario para elixir novo alcalde e que se celebrará coa maior brevidade posible, e nun prazo máximo de 10 días atendendo ao artigo 40.5 do Regulamento de Organización, Funcionamento e Réxime Xurídico das Entidades Locais (ROF), asumindo o Partido Popular a alcaldía do Concello do Valadouro.
Dona María José Fernández Díaz (UDIVAL), ao igual que ata o día da sinatura do presente escrito, seguirá traballando con absoluta transparencia, dedicación e esforzo en mellorar a xestión pública local no que resta de mandato 2023-2027, pero, neste caso, xa non como Alcaldesa senón na súa condición de concelleira elixida pola candidatura de UDIVAL.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
