Julio Abalde alerta da lentitude do goberno galego á hora de implantar medidas mentres as ventas en lonxa caen un 40 por cento en só un ano
Santiago de Compostela, 17 de setembro de 2024. A Comisión de Pesca do Parlamento aprobou unha proposición non de Lei do Grupo Socialista para esixirlle á Xunta que acelere a posta en marcha dun Plan de competitividade e sostenibilidade do Marisqueo de Galicia 2024-2025. O portavoz de Pesca do Grupo Socialista, Julio Abalde, presentou esta iniciativa na que inclúe informar ao Parlamento das medidas que estea a aplicar o goberno galego.
Abalde presentou esta iniciativa nunha sesión da Comisión de Pesca na que previamente criticara ao goberno galego pola falla de medidas cando os datos de caída da produción marisqueira apuntan a unha crise que se vén producindo “xa dende hai demasiado tempo”.
A situación foi “reiteradamente denunciada” polos profesionais do mar, concellos da costa e partidos políticos, pero “negada sistematicamente pola Consellería”. Contra esa postura, Abalde sinalou indicadores “contundentes”, como unha caída das vendas en lonxa dun 40 por cento dende principio de ano, respecto do mesmo período do 2023, o que equivale tamén á metade da media das últimas dúas décadas.
Abalde detallou que a crise pásalles factura aos profesionais que desenvolven o seu labor tanto a pé como en embarcación, pero tamén lle afecta á pesca de baixura, que está facturando un 26 por cento menos que no 2023 e un 37 por cento menos que a media do último cuarto de século. Matizou, ademais, que “nin o incremento de prezos compensa a drástica redución de capturas”.
Por iso, lamentou que “ante todo ese panorama, a Consellería do Mar nega a realidade, mira para outro lado, escóndese tras xustificacións puntuais, busca culpables noutras administracións e anuncia día tras día un plan que nin os axentes do sector coñecen”.
Julio Abalde indicou que ao Goberno galego “non lle quedou máis remedio” que recoñecer o que veñen reiterando os socialistas, que a caída da produción marisqueira “é sistémica” e se debe, fundamentalmente, “a procesos vinculados ao cambio climático e á contaminación mariña”.
Advertiu que pese ás evidencias de que o problema ten orixe en factores de tipo ambiental, a Consellería “matiza que se trata dunha hipótese inicial de traballo” e que necesita “máis tempo, máis datos e levar a cabo estudos en máis profundidade”, co que a aplicación de medidas se dilata.
Por outra banda, o deputado socialista preguntouse “como e con que base de estudos científicos se deseñou entón o tan publicitado coma descoñecido Plan de competitibidade e sostenibilidade do marisqueo en Galicia 2024-2025”. Segundo afirmou, a Xunta “leva moito tempo perdido, pero o sector non ten tempo”, de modo que a Consellería debe deixarse de escusas e dilacións “e actuar xa”.
O primeiro que debe facer, demandou Abalde, é remitirlle ao Parlamento as medidas contempladas no plan e informar de en que estado se atopa a súa posta en marcha, pero tamén explicar que estudos se están a realizar para impulsar máis medidas correctoras da situación crítica das rías.
Texto da iniciativa aprobada hoxe:
-“O Parlamento de Galicia insta á Xunta de Galicia a:
Acelerar a implantación das medidas do Plan de competitividade e sostenibilidade do marisqueo de Galicia 2024-2025, así como informar correspondentemente ao Parlamento das medidas implantadas e dos axustes que se realicen, en colaboración co sector marisqueiro, no plantexamento inicial derivado dos datos científico técnicos do estado dos recursos dispoñibles en cada momento”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
