Os populares tamén se interesarán no pleno deste mércores por saber se o Concello solicitou axudas para a dinamización e mellora “dun dos espazos máis tradicionais e turísticos do municipio”
Viveiro, 2 de setembro de 2024. O PP de Viveiro pide explicacións ao goberno local de PSOE e BNG sobre a situación na que se atopan os pregos para a licitación dos postos vacantes na Praza de Abastos, así como información sobre as liñas de axudas solicitadas polo Concello neste exercicio ante as distintas administracións para a dinamización e mellora deste espazo municipal, tal e como se acordara por unanimidade no pleno de setembro do 2023 ante unha iniciativa do Grupo Municipal Popular.
A portavoz, Mariña Gueimunde, sinala que “nos temos interesado en varias ocasións sobre a Praza de Abastos porque día a día perde actividade e praceiros”: en setembro do ano pasado a ocupación era do 50%, pero “na actualidade só quedan en activo 3 postos dos 12 existentes”.
A popular defende que “é un dos espazos máis importantes, tradicionais, populares e incluso turísticos do noso concello”; ademais subliña “a súa situación estratéxica e o seu valor como escaparate do produto local de calidade vencellado á sustentabilidade, á protección do medio ambiente e ao compromiso coa sociedade”. Polo tanto, “cremos que debemos apostar por el”. Nese sentido, pedimos ao goberno do Concello que saquen a licitación os pregos para adxudicar os postos vacantes porque “de nada serve ter unha Praza de Abastos preciosa se perden o interese en que se ocupen os postos”.
Así mesmo, engade que “esperamos que o Concello pedira as axudas para revitalizar estes mercados en relación ás necesidades dos comerciantes e consumidores, tal e como acordamos tódolos grupos fai un ano”. O acordo adoptado a instancia do Partido Popular recollía a adhesión do Concello de Viveiro ás convocatorias e liñas de axudas ofertadas polas distintas administracións a prol dos mercados e prazas de abastos, ademais de reservar unha partida económica nos presupostos de 2024 para o mantemento e mellora de servizos básicos en tanto non se executaba un proxecto máis ambicioso.
LIÑAS DE AXUDAS DA XUNTA
A Xunta puxo a disposición dos Concellos distintas liñas de axudas. Unha da Dirección Xeral de Comercio e Consumo para o impulso da Rede de Mercados Excelentes de Galicia e para a dinamización e revitalización das prazas de abastos que supón a adecuación e a mellora dos equipamentos públicos comerciais municipais. E outra da Axencia Galega para o desenvolvemento rural AGADER, destinada a promover a rehabilitación e reforma de mercados municipais de produtos agroalimentarios.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
