Viveiro, 17 de setembro de 2024. O Concello de Viveiro asinou estes días os convenios de colaboración cos clubes e entidades deportivas da vila.
“Convenios moi necesarios para que os clubes poidan realizar as súas actividades”, explica a alcaldesa, María Loureiro.
As subvencións materializáronse grazas a un convenio extraordinario xestionado pola alcaldesa de Viveiro coa Deputación de Lugo (350.000 euros), e forman parte do acordo acadado polo goberno local con Por Viveiro para sacar adiante os orzamentos.
Entre o xoves pasado e hoxe asináronse os convenios co Clube Baloncesto Viveiro (22.000 euros para gastos nos anos 2023 e 2024); Clube Balonmán Viveiro (14.000 euros para gastos nos anos 2023 e 2024); Viveiro Surfing Family (6.000 euros para os anos 2023 e 2024); Escola Rugby Asterix Viveiro (6.000 euros para os anos 2023 e 2024), e a Peña Ciclista Lar de Viveiro (5.000 euros para os anos 2023 e 2024).
Tamén asináronse convenios co Viveiro CF (30.000 euros para os anos 2023 e 2024); Viveiro CF Juveniles (4.500 euros para os anos 2023 e 2024); CD Camovi (14.000 euros para a organización da Camovi nos anos 2023 e 2024); Club Ximnasia Viveiro (6.000 euros para os anos 2023 e 2024); AD San Roque (4.000 euros para 2023 e 2024); Club de Badminton o Cembedo (3.000 euros para os anos 2023 e 2024); Club de Remo Celeiro (6.000 euros para os anos 2023 e 2024); Clube Ciclista Viveiro (9.000 euros para os anos 2023 e 2024), e Clube Xadrez San Roque (1.200 euros para os anos 2023 e 2024).
Outros clubes foron o Clube Piragüismo Viveiro (6.000 euros para os anos 2023 e 2024); Club Egobarros (6.000 euros para 2023 e 2024); Club Deportivo Mergullo Viveiro (1.500 euros para 2023 e 2024); a Asociación Deportiva Cultural Pádel Viveiro (3.000 euros para os anos 2023 e 2024); Bellas & Cubi Competición (500 euros para gastos dos anos 2023 e 2024); Viveiro Club de Billar (1.000 euros para 2023 e 2024); Viveiro SD (24.000 euros para 2023 e 2024); Clube Piragüismo Viveiro (6.000 euros para os anos 2023 e 2024), e Celeiro Clube do Mar (3.000 euros para 2023 e 2024).
Quedan por asinar catro convenios con clubes deportivos, dos que o concello informará nos próximos días.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
