En total benefician a 40 persoas desempregadas que reciben formación relacionada coa xardinería ao tempo que desempeñan un traballo remunerado
Burela, 17 de setembro de 2024. O delegado territorial da Xunta en Lugo, Javier Arias, destacou hoxe en Burela a dobre utilidade dos obradoiros de emprego, que por unha banda forman a persoas desempregadas en oficios con boa saída laboral e pola outra melloran espazos e servizos públicos nos concellos nos que se desenvolven.
Arias visitou a localidade mariñá para comprobar as actuacións que realiza o taller Sendas de Burela, Cervo e Xove X, que imparte ensinanzas relacionadas con traballos en viveiros, xardíns e centros de xardinería.
Anunciou que en breve comezará unha nova edición deste mesmo programa, financiada pola Consellería de Emprego, Comercio e Emigración no marco da convocatoria de axudas deste ano para desenvolver obradoiros duais. O investimento en ambos talleres suma preto dun millón de euros.
No que respecta ao que está próximo a finalizar, os 20 participantes encargáronse do acondicionamento de áreas recreativas, parques e xardíns dos tres municipios, ademais de realizar labores de rexeneración ambiental no entorno de ríos.
No caso de Burela, planificáronse unha vintena de actuacións en puntos como a praza da Mariña, o paseo marítimo dende A Marosa ata a praia urbana da localidade ou os regatos das Pasadiñas e da Vila do Medio.
En canto ao novo obradoiro, impartirá a mesma especialidade que o actual – actividades auxiliares en viveiros, xardíns e centros de xardinería -. A duración será de nove meses e os destinatarios son 20 persoas desempregadas.
Arias destacou que ademais de adquirir coñecementos teóricos e prácticos e realizar un traballo de interese público remunerado, os alumnos e alumnas que completan con éxito a formación obteñen un certificado profesional con validez en toda España.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
