A alcaldesa Efigenia Maseda anunciou ademais a celebración do Festival da Terceira Idade, o domingo 13 de outubro, que este ano chega á XXX edición
Alfoz, 1 de outubro de 2024. O Concello de Alfoz, dirixido pola alcaldesa Efigenia Maseda, continúa a súa folla de ruta para mellorar a calidade dos servizos sociais, cumprindo así un dos compromisos do programa de goberno de VIA Alfoz. Unha das accións clave foi a recente revisión de todos os expedientes dos usuarios do Servizo de Axuda no Fogar (SAF) de libre concorrencia. Este proceso permitiu axustar as horas de atención de forma equitativa, adaptándose ás necesidades reais de cada usuario, mellorando a eficiencia do servizo e garantindo unha atención máis personalizada.
A alcaldesa Efigenia Maseda, que ten asumidas as competencias dos servizos sociais municipais, explicou que este traballo é fundamental para asegurar que os veciños reciben o servizo que precisan. “A nosa responsabilidade é ofrecer un servizo máis eficiente e de maior calidade. Coa revisión dos expedientes, aseguramos que os usuarios reciben a atención que realmente necesitan, diminuíndo as listas de agarda e mellorando a cobertura”, afirmou Maseda. Esta medida enmárcase dentro do compromiso de VIA Alfoz de optimizar os servizos sociais para garantir o benestar dun dos sectores máis vulnerables da poboación, as persoas os maiores.
Un dos elementos clave nesta mellora foi o incremento das horas de traballo das auxiliares do SAF, que agora traballan a xornada completa. Isto permitiu ampliar a capacidade de atención do servizo, permitindo tamén incorporar novos usuarios que antes estaban na lista de agarda. “Este é un dos compromisos que presentamos no noso programa de goberno e que estamos cumprindo durante esta lexislatura, seguindo a nosa folla de ruta para mellorar a vida dos veciños e veciñas de Alfoz”, engadiu a alcaldesa, quen indica que “ademais, estanse a realizar os trámites oportunos para solicitarlle á Xunta aumento de horas para dependencia”.
Con este avance, o Concello de Alfoz non só incrementa o número de horas dispoñibles para o SAF, senón que asegura un servizo máis xusto e eficiente. Esta reestruturación do servizo fai posible que os usuarios teñan acceso á atención que realmente necesitan, ao mesmo tempo que se optimizan os recursos dispoñibles.
Efigenia Maseda informou destas medidas tomadas desde a alcaldía na última reunión da Dirección Executiva de VIA Alfoz, “reafirmando o seu compromiso de seguir traballando para que o SAF e outros servizos sociais sigan avanzando cara a unha atención máis eficiente, equitativa e adaptada ás necesidades reais dos seus usuarios”, indican desde a Executiva. Esta medida reforza o compromiso coa mellora continua da calidade de vida dos veciños e veciñas de Alfoz, unha das principais prioridades da administración local.
ANUNCIO DO XXX FESTIVAL DA TERCEIRA IDADE
A alcaldesa tamén anunciou que o vindeiro domingo, 13 de outubro, terá lugar o “XXX FESTIVAL DA TERCEIRA IDADE”. O evento, que é gratuíto desde que VIA Alfoz asumira as competencias de Servizos Sociais no 2015, baixo a dirección da entón concelleira Carmen Geada, está organizado para todas as persoas maiores de 65 anos ou pensionistas empadroadas no Concello de Alfoz, quen poderán ir acompañadas dos seus cónxuxes.
Os actos comezarán ás 13:00 horas cunha misa na Igrexa Parroquial de San Pedro de Mor, seguida dunha comida de confraternidade no Pavillón Municipal de Alfoz. Durante a súa intervención, a alcaldesa Efigenia Maceda quixo destacar o valor do traballo realizado polos maiores do concello ao longo da súa vida, “este festival é unha oportunidade para recoñecer e agradecer a contribución dos nosos maiores ao desenvolvemento de Alfoz. Eles son un pilar fundamental da nosa sociedade, e este evento é unha pequena mostra de gratitude polo seu esforzo”, sinalou.
As persoas interesadas en participar deberán inscribirse na Oficina de Servizos Sociais do Concello ata o vindeiro venres, 4 de outubro de 2024.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
