Os concelleiros do PP votaron en contra de adxudicar o contrato de recollida do lixo e limpeza viaria baseándose nun informe encargado a dedo a unha empresa
Vilalba, 12 de novembro de 2024. Os concelleiros do PP non apoiaron a proposta do goberno local para “contratar un informe a unha empresa privada para resolver a adxudicación do contrato do servizo de recollida do lixo do Concello de Vilalba, en lugar de ser resolto por técnicos e funcionarios públicos”. A proposta saíu aprobada cos votos a favor de PSOE, Vilalba Aberta e BNG.
“A nosa postura é perfectamente entendible” toda vez que “os propios funcionarios poñen en dúbida no seu informe a obxectividade e imparcialidade da valoración dunha entidade privada. Os propios funcionarios preferiron apartarse e a alcaldesa pásalle a bóla ao Pleno da Corporación”, critican.
Os populares explican que “xa non nos convencía o procedemento dende un comezo: é pouco habitual que a unha licitación tan importante só se presenten dúas empresas rexeitando participar, incluso, a que está a prestar actualmente o servizo”. No momento da súa valoración, os funcionarios alegan que non dispoñen de técnicos especializados na materia para emitir unha correcta valoración.
Dende o PP local explican que, nese momento, “o goberno bipartito debería solicitar asistencia técnica á Deputación de Lugo -que entre as súas funcións principais ten a de cooperar cos Concellos-, tal e como lle recomendaban os funcionarios municipais; pero preferiu contratar a dedo outra empresa externa para valorar as ofertas das empresas que se presentaron á licitación para a recollida do lixo”.
Así, polo tanto, “o goberno de Vilalba fai caso omiso ás recomendacións dos traballadores públicos e gasta 17.545 euros dos veciños e veciñas na contratación desta empresa por non solicitar nun primeiro momento a colaboración da Deputación de Lugo”.
Co informe privado na man, os funcionarios non poñen en dúbida a competencia técnica; pero sinalan que “carece das notas de obxectividade e imparcialidade propias dos representantes das Administracións polo que se negan a facelo seu e propoñen requirir asistencia dunha entidade pública con medios humanos adecuados”.
Finalmente o goberno vilalbés solicita apoio á Deputación de Lugo, pero négase alegando que non dispón de persoal técnico cualificado. Nese caso, os concelleiros do Partido Popular propuxeron no Pleno que o Concello busque a colaboración doutra entidade pública como, por exemplo, dalgún Concello que dispoña de técnicos especializados na materia.
TOMÉ NÉGASE A COLABORAR CO CONCELLO DE VILALBA
“É curioso que un goberno da súa mesma cor política se negue a colaborar co Concello de Vilalba cando si está a colaborar con outros Concellos”, segundo critican dende o PP local.
O portavoz do PP na Deputación, Antonio Ameijide, explica que “no caso de que non dispuxera de persoal, a entidade provincial pode establecer mecanismos de colaboración con outras entidades públicas para poñer a disposición do Concello de Vilalba técnicos especializados”.
De feito, “iso mesmo foi o que fixo para instruír un expediente sobre a Policía Local de Viveiro: buscar a colaboración cunha entidade pública como é o Concello de Lugo para habilitar un técnico que, trala sinatura dun convenio específico, desenvolvera eses labores no Concello de Viveiro”, engade.
Ameijide condena que “Tomé desatenda unha das funcións propias da Deputación Provincial como é a cooperación cos Concellos”. O popular advirte de que “é chamativo que non colabore cun Concello gobernado polo PSOE” e, polo tanto, pregunta polos motivos para “querer escapar deste procedemento”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
