O conselleiro dá continuidade á rolda de contactos empresariais iniciada no día de onte na IX Expomar caboverdiana, co fin de afianzar lazos e abrir novas oportunidades de negocio para o tecido marítimo galego
Mindelo (Cabo Verde), 8 de novembro do 2024. O conselleiro do Mar, Alfonso Villares, puxo en valor a capacidade das empresas galegas asentadas en Cabo Verde para subministrar produtos de alta calidade e únicos no mercado. Así o trasladou logo de coñecer o funcionamento de dúas das entidades máis destacadas neste eido e que teñen base no país africano. Trátase da ribeirense A Poutada e da Coruñesa Noroesmar.
Neste senso, o responsable autonómico, continúa coa rolda de contactos iniciada no día de onte, con motivo da celebración, en Mindelo, da XI edición de Expomar, e cuxa participación da Xunta ten por obxectivo afianzar lazos e abrir novas oportunidade de negocio para o sector marítimo-pesqueiro da comunidade.
Alfonso Villares comprobou así como estas compañías forman parte dun amplo engrenaxe que fai da pesca galega un motor económico e de creación de emprego, líder e referente a nivel europeo. Concretamente, o vínculo da economía pesqueira con outras actividades afecta ao 90% dos sectores económicos de Galicia polo que ten un carácter estratéxico de especial relevancia neste territorio.
Para o dirixente autonómico, iniciativas como Expomar poñen de relevo a importancia de impulsar políticas como as que se están a levar a cabo dende o Goberno da Xunta, dirixidas a reforzar as relacións entre as diferentes actividades, desde a extractiva ata a industrial e transformadora, e que son fundamentais para seguir avanzando na competitividade e a sostibilidade da cadea mar-industria.
Fabricantes referentes
A Poutada ten unha ampla presencia no territorio nacional e en Cabo Verde, onde provee aos buques, especialmente atuneiros e palangreiros, de carnaza, anzois, roupa e equipos profesionais. Unha evolución continua que lles permite que da súa fábrica de Ribeira saian anzois para as frotas pesqueiras de países de todo o litoral mundial. Concretamente, máis de medio millón destes anzois diarios e que son empregados na pesca de palangre por barcos que faenan nos cinco continentes. E é que esta empresa está considerada unha das poucas en España e en Europa, por non dicir a única, que se dedica á fabricación deste material.
Nas súas instalacións elabóranse máis de 120 tipos de anzois de todo tipo de tamaños e modelos. Opera no país africano dende 2016, onde conta con 130 traballadoras. Elixiu Mindelo para asentarse debido á localización xeoestratéxica do arquipélago, próximo a África, a América e a Europa.
Noresmar, pola súa banda, pertence ao Grupo Sumipesca, e está dedicada ao provisionamento integral de buques con víveres, efectos navais, carnada ou aceite lubricante. Dispón dun almacén na cidade de Mindelo, pero a previsión é seguir expandíndose por todo o país. Desenvolve o seu labor en todos os portos de Galicia, tendo as oficinas centrais no porto de A Coruña e unha delegación no de Burela.
Este Grupo, especializado dende 1985 no aprovisionamento de buques pesqueiros e mercantes, conta con instalacións con depósito aduaneiro e fiscal propio por toda España, así como naves de avituallamento con cámaras frigoríficas e unha importante frota de transporte para ofrecer o mellor servizo.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
