Burela e Celeiro serán os peiraos que máis acusen esta rebaixa, pois os beneficios da súas lonxas supoñen o 47 e o 39% das descargas e primeiras vendas desta especie en Galicia
A Mariña, 13 de decembro de 2024. O Partido Popular de A Mariña afea ao ministro de Pesca, Luis Planas, que, no día de onte, se atrevese en Burela “a sacar peito” das negociación de Bruxelas, cando este porto, xunto co de Celeiro, son os que sofrirán as consecuencias do acordo da Comisión Europea co Reino Unido, e que inclúe un recorte do 20% nas capturas da pescada DO GRAN SOL.
Deste xeito, os populares consideran que “con este dirixente estatal o sector marítimo-pesqueiro está vendido e desprotexido”. Sobre todo, engaden, porque “dicir que o 10% da cota desta especie non consumida en 2024 se poida pasar a 2025 para paliar o recorte é algo que sempre se fixo, ao seren cupos dos armadores. Este argumento é un despropósito e plasma que o fume non casa ben cos ventos mariños, posto que rapidamente os leva”, insisten.
NON SOUBO NEGOCIAR
Para o PP mariñao demostrase que “Planas non soubo negociar”. “Non melloramos gran cousa”, afirman con rotundidade, xa que esta restrición implica unha perda de ingresos para a economía galega de 54 millóns de euros.
Este impacto será soportado basicamente pola frota do Gran Sol, polo que as perdas que situaranse en valores próximos aos 22 millóns de euros. Burela e Celeiro serán así, de novo, os peiraos máis afectados en canto a esta rebaixa de ingresos das súas lonxas, ao xerar estas un beneficio que supoñen o 47% e o 39% das descargas e primeiras vendas desta especie en Galicia. Co efecto arrastre, boa parte da perda potencial de 54M€ da economía galega terán impacto na Mariña.
Os efectos desta proposta de rebaixa de TAC Terán tamén consecuencias negativas sobre o emprego, Isto suporá que o recorte medio de salario por tripulante inducido (máis de 2.000 en toda Galicia) por esta proposta superaría os 4.800 euros.
Por todo elo, dende o Partido Popular critican “o triunfalismo” do ministro socialista, pois “o seu Goberno dálle unha vez máis as costas á xente do mar de Galicia e, nomeadamente, coa provincia de Lugo”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
