Os portos autonómicos de Ribadeo e Viveiro rexistraron un incremento interanual do 18% nas embarcacións foráneas cun volume de negocio superior aos 800.000 euros
Madrid, 23 de xaneiro de 2025. O conselleiro do Mar, Alfonso Villares destacou o auxe da comarca da Mariña de Lugo como destino náutico logo de que ao longo do pasado ano os portos mariñáns recibisen máis de 1.000 barcos en tránsito. O titular de Mar asistiu, xunto co delegado territorial da Xunta en Lugo, Javier Arias, á presentación A Mariña latexa contigo, en Fitur, e subliñou o potencial crecente da náutica de recreo na contorna mariñá, onde o volume de negocio dos tránsitos en 2024 superou os 800.000 euros.
En concreto, no porto de Ribadeo recibíronse 425 barcos foráneos o pasado ano, mentres que en Viveiro foron 586. A suba dos tránsitos acompañouse do incremento da estadía das embarcacións nos portos galegos. En concreto nos dous peiraos mariñáns rexistráronse máis de 4.200 noites de estancia de barcos transeúntes, fronte ás 3.250 do ano 2023.
Deste xeito os rexistros de tránsitos da Mariña seguen a tendencia á alza do conxunto dos portos autonómicos galegos, que se subiron no 2024 ata os 6.321 barcos foráneos. Tamén as pernoctas se incrementaron respecto ao ano anterior situándose en 36.987, o que sitúa o volume de negocio no conxunto dos portos deportivos da Xunta de Galicia en máis de 5 millóns de euros.
Apoio económico da Xunta
Antes estes datos, o conselleiro do mar mostrou a súa satisfacción “pola consolidación dunha actividade de importante impacto económico non só no sector portuario e náutico senón no conxunto das vilas que acollen portos deportivos”. Neste sentido, ratificou o compromiso do Goberno galego coa náutica de recreo “que se recolle nos propios orzamentos da Xunta para este ano que, por primeira vez, recollen un partida, que ascenderá a 1,2 millóns de euros, para obras de mellora das infraestruturas náutico recreativas”, indicou.
Pola súa parte, o delegado territorial da Xunta en Lugo, Javier Arias, incidiu na súa participación na presentación organizada pola Mancomunidade de concellos da Mariña que a comarca, “rexistrou no último ano un importante crecemento, converténdose no quinto destino galego onde máis subiu a demanda, concretamente un 11%”. “Estes datos débense en gran parte a que nesta comarca levan anos coidando aspectos moi valorados polos visitantes, como o turismo tranquilo, a preservación do patrimonio cultural tanto material como inmaterial, e o respecto á natureza e ao medio ambiente”, engadiu.
“Este éxito ten que ver coa implicación de todos os sectores relacionados co turismo remando na mesma dirección”, dixo Arias, quen salientou tamén o apoio da Administración autonómica a través da achega dun millón de euros para desenvolver o Plan de Sostibilidade Turística e do convenio anual para colaborar co xeodestino. Neste sentido, lembrou que o convenio está permitindo consolidar o proxecto ‘Turismo Slow Norte de Galicia’ e outras propostas como os Roteiros de Artesanía, as actividades de ‘A Mariña en Ruta’ ou as audioguías ficcionadas para mellorar a experiencia dos visitantes en cada localidade.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
