José Tomé lembrou que os traballos que afectan ao primeiro quilómetro e medio da LU-P-6504 “son os máis urxentes, porque este tramo descorre pola zona urbana do concello do Vicedo e polo tanto é o máis empregado pola veciñanza”
Lugo, 14 de febreiro de 2025. O Presidente da Deputación de Lugo, José Tomé Roca, esixiu este venres ao Partido Popular “lealdade institucional” e recordoulle que as obras da LU-P-6405, que dá acceso á praia de Xilloi, no Vicedo, están en proceso de contratación. “Hai só unhas semanas que a Xunta de Goberno aprobou a licitación dos traballos que afectan ao primeiros quilómetro e medio da vía cun investimento de máis de 175.000€”, sinalou o mandatario provincial.
Criticou o mandatario provincial que desde o PP “insisten na política do bache, aínda cando incrementamos ata os 27M€ o orzamento destinado á rede provincial, o que supón máis do 21% dos nosos fondos. Desde que eu cheguei á Presidencia, no 2019, o incremento dos fondos destinados ás estradas incrementáronse e do 100%. Se queren ser útiles aos veciños e veciñas, o que deberían facer é poñerse a traballar desde a lealdade institucional e non tratar de enganar con informacións que non son certas”.
Recordou que a nivel turístico, O Vicedo leva al menos dous anos renunciando á bandeira azul nas praias de Abrela e Xilloi pola incapacidade do Goberno local de atopar socorristas para eses areais. “É fácil ver a palla no ollo alleo e non ver a viga no propio”, sinalou Tomé Roca en referencia á petición do PP de acondicionar o firme de toda a estrada, non só dese tramo, en base á necesidade de desenvolver as potencialidades turísticas do concello.
No que ten que ver co proxecto da Deputación para a LU-P-6405, o prazo da presentación das ofertas remata a semana que vén, as actuacións consistirán na mellora da pavimentación con aglomerado en quente, obras de drenaxe e reposición da sinalización. A institución provincial investirá máis de 175.000€ nesta mellora, que terá un prazo de execución de dous meses e afectará ao treito comprendido entre o inicio da vía e o punto quilométrico 1,400.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
