Cervo, 26 de marzo de 2025. No marco do programa do Ministerio de Educación, Formación Profesional e Deportes, o CEIP de Cervo participa este curso académico no proxecto colaborativo “Cada gota cuenta”, unha iniciativa que reúne centros educativos de distintas comunidades autónomas para compartir experiencias e boas prácticas educativas.
Durante esta semana, o centro acolle a visita de once docentes procedentes de Asturias (CRA Lena), Alacante (CEIP Pintor Sorolla), Cartaxena (CEP Antonio de Ulloa) e Gran Canaria (CEIP Tagoror). Durante tres días, terán a oportunidade de coñecer a nosa contorna educativa, mergullarse no día a día do noso alumnado e intercambiar coñecementos e metodoloxías didácticas.
A visita deu comezo hoxe, mércores, cun acto de recepción que tivo lugar ás 9:45 horas. O evento contou coa presenza da Alcaldesa de Cervo, Dolores García Caramés, e da inspectora de educación, Montserrat García Lozano, quen deron a benvida ao profesorado visitante e destacaron a importancia deste tipo de proxectos para o enriquecemento educativo e cultural.
Para aproveitar ao máximo esta experiencia, ao longo da semana organizaranse diversas actividades que permitirán tanto ao profesorado visitante como ao noso alumnado participar en iniciativas innovadoras e enriquecedoras. Entre elas destacan:
Obradoiros de aprendizaxe creativa, nos que se abordarán temáticas como a robótica e os e-téxtiles.
Dramatizacións teatrais e obradoiros de expresión corporal con base tradicional, fomentando a creatividade e a comunicación.
Roteiros guiados polo centro educativo e o seu entorno, cunha proposta interactiva a través do “breakout” da Mariña Lucense.
Creación e emisión de programas en Onda Puca Radio, a emisora escolar, onde se recollerán impresións e testemuños da experiencia.
Programa “Galicia, sabe amar” (Consellería do Mar), que culminará a visita o venres coa chegada dunha foodtruck ao centro. O alumnado poderá descubrir os produtos do mar a través dunha charla divulgativa e unha pequena degustación.
O proxecto “Cada pinga conta” busca sensibilizar á Comunidade Educativa sobre a importancia do coidado da contorna e o uso responsable da auga, un dos grandes desafíos do século XXI. Ademais, a súa denominación encerra unha forte mensaxe de inclusión, poñendo en valor a participación de todos os membros das comunidades educativas implicadas, con especial atención ao alumnado máis vulnerable.
A través desta iniciativa, o CEIP de Cervo promove o fortalecemento das competencias do alumnado en áreas clave como a competencia lingüística, a competencia dixital e a competencia social e cidadá. O proxecto aposta por unha educación integradora baseada na aprendizaxe STEAM (Ciencia, Tecnoloxía, Enxeñaría, Artes e Matemáticas) e no uso de metodoloxías activas que garantan equidade e inclusión. Todo isto en consonancia cos Obxectivos de Desenvolvemento Sostible (ODS) da Axenda 2030.
Esta visita supón unha oportunidade única para o intercambio de coñecementos e experiencias, favorecendo unha educación máis aberta, participativa e comprometida cos desafíos da sociedade actual.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.