Elena Candia presidiu unha reunión con Fabiola García na que participaron alcaldes e portavoces dos municipios da provincia
Lugo, 26 de marzo de 2025. O PP lucense defende a “xusta e urxente” reivindicación para que o Goberno de España “pague de inmediato a Galicia a débeda de máis de 2.500M€ que acumula por non achegar a totalidade da parte que lle corresponde financiar do Sistema de Atención á Dependencia”. Así, tamén condena que “o PSOE votara en contra e o BNG se abstivera no pleno do pasado mes de febreiro na Deputación de Lugo ante esta proposta do Grupo Popular”.
Elena Candia presidiu unha reunión na que a responsable de Política Social do Goberno galego, Fabiola García, analizou con alcaldes, portavoces e concelleiros as consecuencias do incumprimento do Goberno de Sánchez de achegar o 50% do financiamento que lle esixe especificamente a Lei de Dependencia de 2006. “A Xunta e os Concellos tiveron que adiantar fondos e aínda así o PSOE ponse do lado de Sánchez e o BNG mantense de perfil”, valoran os populares.
As cantidades pendentes de dependencia por parte do Executivo nacional no que se refire á provincia de Lugo alcanzan os 304 M€. Pero, ademais desta débeda derivada do incumprimento por parte do Estado; o Goberno de España rebaixou nos últimos anos aínda máis a súa achega a Galicia: no 2023 pagou só o 40% desta prestación e no 2024 só o 34,9%.
Os populares advirten, ademais, que as perspectivas para o presente 2025, se por segundo ano consecutivo non haberá Presupuestos Generales del Estado como consecuencia das políticas e pactos do PSOE en Madrid, aínda son peores; polo que “tememos outra baixada no pago da dependencia co conseguinte prexuízo para os galegos en xeral e os lucenses en particular”.
INFRAFINANCIAMENTO DO ESTADO VS. MEDIDAS DA XUNTA
O financiamento da dependencia é imprescindible polas condicións da nosa comunidade, que é a segunda máis envellecida de España e ten a terceira ratio de dependencia máis elevada.
Os populares amosaron o seu malestar ante o “infrafinanciamento” ao que o Goberno de Sánchez somete ao noso territorio “nun asunto tan serio e sensible como é a atención aos nosos maiores e dependentes”, como considera Candia.
Por outra banda, puxo en valor as prestacións impulsadas pola Xunta de Galicia nesta materia, incluso con solucións novidosas como o Bono Coidado no Fogar, dotado con 5.000 euros, a axuda por praza de residencia, centro de día ou coidador, que alcanza os 1.200 euros, ou o plan de choque dotado con 90 millóns para aprobar a resolución de axudas nun prazo máximo de seis meses. “Todo o moito e bo que se fai en Galicia aínda podería ser máis e mellor se o Goberno de España pagase a cantidade millonaria que nos debe”.
DISCRIMINACIÓN A GALICIA E A LUGO
O PP da provincia vén denunciando de forma reiterada a discriminación e o abandono por parte do Goberno de Sánchez especialmente en materia de infraestruturas viarias e ferroviarias; pero tamén con outras decisións que prexudican a Galicia e a Lugo como a quita da débeda -en Galicia é inferior á estatal, polo que suporía asumir preto de 600 M€ máis de débeda, 220 euros máis por habitante- ou o incumprimento do cofinanciamento ao 50% da dependencia que se pode agravar ao non aprobar os PGE para este ano.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.