O vehículo, de nove prazas, facilita os desprazamentos e a loxística do club, que segue sumando medallas estatais ao seu palmarés
Lugo, 27 de xuño de 2025. O Club de Remo de Ribadeo conta cun novo vehículo para os seus desprazamentos: unha furgoneta de nove prazas adquirida coa colaboración da área de Mocidade da Vicepresidencia da Deputación de Lugo.
A área provincial achegou 40.000 para este investimento que facilitará os desprazamentos das remeiras e remeiros e a loxística do club, que desenvolve a maior parte da súa actividade competitiva fóra da provincia e de Galiza.
O deputado de Mocidade Daniel García e o vicepresidente da Deputación de Lugo Efrén Castro coñeceron as características do vehículo da man dos responsables do club – Jesús Carreira e Miguel Peña – nun acto que se celebrou este mediodía, e no que se subliñou a importancia do vehículo para a actividade do club.
O deputado Daniel García celebrou que “as remeiras e remeiros de Ríbadeo dispoñan deste novo vehículo, unha necesidade que o club nos trasladou a finais do ano pasado e coa que nos comprometemos desde o inicio” e incidiu “na singularidade e na proxección do proxecto deportivo do club ribadense que está logrando resultados extraordinarios a nivel galego e estatal nas categorías de formación” .
A compra do vehículo, financiado coa achega da área provincial e con outros 14.000 euros de fondos propios do club, materializou o convenio de colaboración comprometido co club a finais de 2024, e aprobado o pasado mes de abril.
O club estreou o novo vehículo a pasada fin de semana para participar Campionato de España de Remo Olímpico e Paralímpico que se celebrou en Sevilla e do que a delegación ribadense -formada por nove remeiras e remeiros de diferentes categorías – volveu con catro medallas.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
