Nel establécense as medidas necesarias para previr, actuar e recuperar ante situacións de risco de enchentes
Viveiro, 4 de xullo de 2025. A Xunta vén de aprobar Plan de Actuación Municipal (PAM) ante Inundacións para o Concello de Viveiro. Trátase dun documento de protección civil que establece as medidas necesarias para previr, actuar e recuperar ante situacións de risco por enchentes no municipio. O plan está elaborado conforme á normativa estatal e autonómica, seguindo os criterios do INUNGAL (Plan Especial de Protección Civil ante o Risco de Inundacións en Galicia) e do Plan de Xestión do Risco de Inundación Galicia-Costa.
O seguinte paso será proceder á exposición pública do plan e, se non hai alegacións, será sometido a aprobación no pleno nun prazo de vinte días.
O obxectivo principal é protexer ás persoas, aos bens e ao medio ambiente fronte a posibles episodios de inundacións, organizando os recursos humanos e materiais dispoñibles e definindo os procedementos de actuación en cada fase da emerxencia. «É unha ferramenta fundamental para reforzar a capacidade de resposta ante un fenómeno que xa sufrimos no pasado e que require dunha planificación clara, eficaz e adaptada ao territorio», sinala a alcaldesa mariña Gueimunde.
O PAM inclúe unha análise detallada do territorio e da rede hidrográfica, con especial atención ao río Landro; a identificación das áreas de risco potencial significativo de inundación (ARPSIs); a estrutura organizativa dos órganos responsables e centros de coordinación; os procedementos de activación segundo as fases de prealerta, alerta, emerxencia e normalización; así como medidas de información á cidadanía, aloxamentos de emerxencia e puntos de control e vixilancia.
Tamén se contemplan accións para a formación do persoal, revisións periódicas do plan e mecanismos de coordinación con outros plans supramunicipais. En conxunto, o documento busca reducir os impactos das inundacións e garantir a seguridade e benestar da veciñanza de Viveiro.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Sufriu queimaduras e precisou asistencia sanitaria. No interior das instalacións hai herba seca acumulada, así como un vehículo agrícola, e nestes momentos os medios traballan para atallar as lapas. Foi un particular quen alertou ao 112 Galicia dos feitos, minutos antes das 13 horas deste luns: vía moito fume no lugar de Cordeiro, na parroquia de Álvare. De inmediato, os xestores do Centro Integrado de Atención ás Emerxencias solicitaron a acción de Urxencias Sanitarias de Galicia-061, dos Bombeiros de Vilalba, do GES da Pontenova e dos axentes da Garda Civil. Neste intre, os servizos de emerxencias confirmaron que só ardían estas instalacións e traballan para apagar o lume.
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
Houbo intervencións do crítico literario Ángel Basanta e dos escritores Francisco Álvarez Koki e Xosé Manuel Malheiro, que glosaron a súa traxectoria como ensinante e renovador pedagóxico desde o Seminario de Mondoñedo ata as universidades neoiorquinas onde fundou o programa cultura e educativo Solidaridad Humana para formar emigrantes. A homenaxe, que contou coa presenza da familia, completarase coa inauguración da rúa Dino Pacio Lindín, unha das vias laterais á Praza e a Casa do Concello, un recoñecemento impulsado pola comunidade de montes Coto das Louseiras de Xemil. A área de Cultura colaborou na edición, en 2021, do libro "Dino Pacio Lindín, o guía dunha vangarda cultural", coordinado por Manuel Rivas García, con textos de antigos alumnos e amizades do sociólogo pastoricense.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
Ducias de persoas gozaron das versións dos 70, dos 80 e dos 90 ofrecidas por este quinteto chegado de Boiro. E tamén iniciou a súa andaina a ruleta da sorte de Acisa. Moitos foron os afortunados que marcharon para a casa con camisetas, mochilas, bolsas, paraugas, tazas ou botellas. O vindeiro Xoves Aberto será o 21 de agosto. Esta nova campaña de Acisa Ribadeo inclúe Mercados de Rúa, actividades multiaventura e o sorteo dunhas vacacións a Gran Canaria, que terá lugar o 31 de agosto no Cantón dos Moreno a partir das 21:00 horas.
