O líder socialista criticou que os populares “falan aquí de protexer o medio rural, e na UE non son capaces de sacar uns orzamentos que permitan o sustento das granxas”
Meira, 22 de xullo de 2025. O secretario xeral do PSdeG, José Ramón Gómez Besteiro, achegouse hoxe á granxa da Gaigo SAT, situada no concello de Meira e que reflicte a realidade da maior parte das explotacións galegas. Tras coñecer o funcionamento dunhas instalacións nas que a día de hoxe se atopan 250 vacas para a produción de leite e de conversar cos socios sobre o impacto que tería a redución da PAC que vén de anunciar a Comisión Europea, o líder socialista mostrouse “moi preocupado” polo impacto que tería esa decisión de levarse a cabo. De feito, cualificou a medida de “salvaxada”.
Besteiro estivo acompañado durante a visita polo presidente da Deputación de Lugo, José Tomé; a deputada autonómica e secretaria de Organización do PSdeG, Lara Méndez, e os alcaldes de Meira, Antonio de Dios, e de Ribeira de Piquín, Roberto Fernández. Tras o percorrido, criticou que as políticas que está impulsando o Partido Popular desde a Comisión Europea, na que dispón de maioría, ameazan con afectar gravemente ás explotacións gandeiras galegas. Por iso reclamou “negociación e presión” para evitar a redución do 20 % nos fondos destinados á PAC, incluída no Marco Financeiro Plurianual 2028-2034.
“O PP está sacando adiante políticas cun claro sesgo de dereitas e volvendo aos recortes”, advertiu. Por iso, cominou a Feijoo e a Rueda a que cando vaian a Europa “non o fagan só para torpedear o uso do galego, senón que se poñan as pilas e reivindiquen ante o Partido Popular Europeo que mude ese xeito de facer política que prexudica ás nosas explotacións”.
José Ramón Gómez Besteiro lembrou que as axudas directas aos custes de produción permiten manter a economía das explotacións gandeiras, pero á vez evitan que se disparen os prezos de produtos básicos cando chegan ao consumidor. Engadiu, ademais, que esas subvencións contribúen ao sostemento de pequenas granxas e ás economías familiares no medio rural nun momento no que cada día pecha unha explotación en Galicia. Só o ano pasado, foron 372, e desde o 2015, fixérono 4.359.
Iso acontece na que é a novena rexión europea en canto a produción leiteira, con 6.170 explotacións que o ano pasado produciron máis de 3 millóns de toneladas de leite e facturaron un total de 1.352 millóns de euros.
O secretario xeral do PSdeG recordou, ademais, que o plan de reducir a PAC de 378.000 millóns a só 302.000 ven acompañado doutro recorte para o sector primario, neste caso o da pesca, que pasaría de contar con 6.000 millóns a unicamente 2.000, o que supón unha redución de dous terzos das achegas. “É unha verdadeira traxedia á que entre todos temos que poñerlle remedio”, advertiu Besteiro. “O PP, que tanto fala aquí, en Galicia, de protexer o medio rural, despois en Europa non é capaz de sacar uns orzamentos que permitan o sustento das explotacións”, censurou.
Durante a visita, Besteiro comentou cos socios os pormenores da histórica redución de axudas, que significarían unha tallada moi importante nas subvencións directas (FEAGA) e por outra banda practicamente eliminarían as políticas de desenvolvemento rural (FEADER), co resultado de menos fondos para servizos, infraestruturas, dixitalización, e, por tanto, máis dificultades para asentar xente nova nun rural que está a sufrir un grave despoboamento.
Tamén explicaron que a PAC proporciona seguridade ante a flutuación dos prezos, do que se beneficia especialmente o consumidor, pero tamén contribúe de xeito decisivo a soster empregos. Actualmente, na Gaigo SAT, que abriu hai 25 anos, traballan 5 persoas, tras a ampliación das instalacións hai tres anos para contar con 70 vacas máis. A granxa conta cunha vaca, Coviña, galardoada na MOEXMU pola súa alta produción. Nos seus 8 anos de vida leva 6 partos e produciu cerca de 100.000 litros de leite.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
