Ribadeo, 1 de xullo de 2025. Desembarco, exposicións, proxeccións, charlas, concertos ou xincana son algunhas das actividades para todos os públicos das que poderán gozar todos os que se acheguen ao Ribadeo Indiano do 11 ao 13 de xullo.
A concelleira de Cultura, Begoña Sanjunto, dixo que “o evento histórico cultural Ribadeo Indiano chega con moitas actividades. Despois de gozar das antevésperas e das vésperas temos diante un completo programa de tres días para a décima edición”.
A edil subliñou que “o protagonista é Ramón González, no centenario do seu pasamento, e del falará no pregón Martín Vizoso Fernández o venres ás 19:00 horas. Aumentaremos coñecementos na presentación do libro de Celia Castro: Ramón González e Corona González: un matrimonio de filántropos, o sábado ás 11:30 horas no Teatro. O domingo neste mesmo lugar e de novo ás 11:30 podemos ver o documental A pegada do Indiano: Ramón González, o fillo de dous concellos”.
Sanjurjo seguiu a relatar que “a música é una constante nos tres días de Indiano, músicas de aquí e de alén mar. Comezaremos escoitando ó Coro Sagrado Corazón que unirá as dúas terras de Ramón González, Galicia e Arxentina. O venres, despois do desembarco, que nos traerá o grupo de teatro afeccionado. Son Boleros encherá de música o porto de Porcillán, A Tropical Eonaviega fará o propio nas catro rúas e no Campo de San Francisco, Son de Camagüey, faranos bailar na verbena. O sábado pola mañá a Banda Municipal de Ribadeo ás 12:30 horas e Toxo Guayaba ás 14:00 horas darán concertos en San Roque, os mariachis Sol de Galicia recibirán ós haigas e Los Guajiros amenizarán as rúas. Non podemos esquecer as habaneras chegadas de Cuba, por iso ás 20:30 horas xuntarémonos para escoitar ás corais Santo Ángel de A Coruña, San Agustín de Guadalíx e a anfitriona Coral Polifónica de Ribadeo. Remataremos o día coa Verbena tradicional con Fiandola e Cuarto de Tula. O domingo segue a música: Alborada con Follas Novas, sesión vermú con Trío El Dorado, e pola tarde Son Caliente na Devesa. O fin de festa poñerao o grupo cubano Los Van Van. Orquestra fundada en 1969 cun estilo irónico e costumista. Sabemos que imos gozar moito con esta actuación”.
A concelleira de Cultura explicou que “non acaba aquí a programación cultural. Temos exposicións como Nós tamén fomos emigrantes, na oficina de turismo e Fotocollage de Ricardo Miguel Hernández Acevedo na casa do Viejo Pancho. E tamén paseos culturais con Suso Martínez. Outras actividades máis festivas poden ser a xincana (a inscrición para participar xa está aberta desde hoxe), os obradoiros de baile con Rosalía GT, os xogos infantís e as competicións de petanca, billarda ou dominó, así como o xantar campestre. E este ano como novidade tamén temos o circo indiano. Quero agradecer ó obradoiro a decoración do Teatro e non olvidedes visitar as casas de comidas e bebidas onde conseguiredes rifas para a viaxe a México”.
A presidenta de Acisa, Carmen Cruzado, manifestou: “nesta vila estamos todos xa en modo Ribadeo Indiano. Nuns días dará comezo a instalación da decoración, que tinguirá de branco as rúas e prazas. As hortensias e as palmeiras trasladárannos de cheo a finais do século XIX ou principios do XX. As casas de comidas e de bebidas ofrecerán pratos especiais e combinados de ultramar. Os comercios lucirán as súas mellores galas. Nas rúas peonís volveremos gozar de preciosos photocall nos que poderemos facer unha foto para ter como lembranza desta décima edición do Ribadeo Indiano”.
E engadiu: “Ribadeo prepárase para vivir de cheo este evento histórico cultural. A vila recibirá a milleiros de persoas, o que terá un impacto económico moi importante na nosa economía. Moitos hoteis e aloxamentos levan semanas co cartel de completo colgado e moitas casas de comidas xa non collen reservas desde hai meses. Todos, comercio e hostalería, están preparados para ofrecer a súa mellor versión. Agardamos que todos gocemos ao máximo do Ribadeo Indiano 2025 e que sexa, de novo, un éxito. Hai actividades para todos os públicos en cada recuncho desta vila”.
Begoña Sanjurjo declarou: “cando isto remate comezaremos a preparar a edición do 2026. Vémonos caracterizados no Ribadeo Indiano. Esperámosvos”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
