Foz, 3 de outubro de 2025. Esta fin de semana deu comezo o ciclo Mestre Mateo en Foz que achegará ata o día 16 de novembro os títulos finalistas deste certame que premia o mellor audiovisual galego.
O Concello de Foz organiza grazas a colaboración da Vicepresidencia da Deputación de Lugo e da Academia Galega do Audiovisual este ciclo, no que nas vindeiras semanas se poderá gozar de curtas, películas e documentais de calidade excepcional. Este sábado comezará coa primeira selección de curtas, A nai, Véxote e Pura, desde as 18.30 horas na Casa da Cultura e o domingo a partir das 12.00 horas será a quenda de Avetimología, Noites de prata, Eu vou comigo e Platónico, platónica. A duración da primeira sesión é duns 60 minutos e a segunda duns 30 minutos.
A continuación as longametraxes e os documentais irán programándose entre o 10 de outubro e o 16 de novembro, sempre no salón de actos da Casa da Cultura Manuel María e gratuítas. Os días e horas son: As Neves, venres 10 ás 20.30horas; Filmei paxaros voando, xoves 16 ás 18.30 horas; + Cuñados, venres 24 ás 20.30horas; e Aurora, xoves 30 ás 20.30 horas. Xa no mes de novembro proxectaranse Honeymoon, sábado 8 ás 20.30 horas; Prefiro condenarme, domingo 9 ás 18.30 horas; Xustiza artificial, sábado 15 ás 20.30horas; e pechase o ciclo con Salvaxe, salvaxe o domingo 16 ás 18.30 horas.
“A estreita colaboración entre administracións e entes culturais, coma a Academia Galega do Audiovisual, achega de forma gratuíta á poboación estas mostras do cine galego, que continúa en alza e con un nivel espectacular. Agradecemos este traballo para que os veciños poidan achegarse á Casa da Cultura e desfrutar de algo que falta en Foz, unha infraestrutura e servizo coma o cine”, explica a concelleira de Cultura, Inés López Couto.
“Estas actividades redundan en máis servizos para as nosas veciñas e veciños e maior difusión da nosa cultura”, finaliza o alcalde de Foz, Fran Cajoto.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
