Xove, 2 de xullo de 2025. “Hai meses que se xubilou a doutora Eiriz e dende aquela a praza está sen cubrir máis alá de sistitucións días puntuáis e moitas veces con diferentes médicos o cal impide unha atención continuada aos pacientes. As usuarias da médica non poden sequera pedir cita a través da app pois non hai ocos dispoñibles a varias semanas vista. Mesmo a día de hoxe non hai citas para antes do día 28 deste mes” denuncia a responsable local, Pilar Vázquez que alerta que a falta de reposición da praza só é unha mostra máis do abandono da Consellería, e polo tanto da Xunta cara a nosa Vila.
O grupo municipal advirte que o abandono comezou dende que non se repuxo a praza do terceiro médico de familia, deixando toda a demanda dunha poboación cada vez máis dependente e envellecida en más de unicamente dous profesionais; e que agora asistimos a un centro de saúde desmantelado ao contar só con unha médica fixa con praza.
“O Partido Popular nada fixo para reclamar que se cubra a praza da pediatra e agora está de brazos cruzados ante a falta de cobertura da atención primaria da veciñanza”, advirten dende a formación nacionalista.
Campaña de recollida de sinaturas
“A atención primaria non está cuberta, levamos anos reclamando que se cubra a praza da pediatra e non fixeron caso. Agora están a buscar o mesmo coa médica de familia e é algo polo que non podemos pasar” continúa Vázquez, indicando unha constante perda de dereitos nas vilas pequenas que é preciso frear antes de que sexa demasiado tarde.
Dende a formación local do BNG anuncian para este mércores día 2 de Xullo o comezo dunha campaña de recollida de sinaturas diante do centro de saúde para intentar conseguir que se solucionen estas demandas que están a ocasionar que a veciñanza teña que desprazarse ou esperar períodos excesivamente longos e incertos para recibir a atención primaria tan necesaria para o seu benestar. “Volveremos recoller sinaturas este venres e o mércores que vén” conclúe.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
A chamada dunha persoa particular ao 112 Galicia permitiu activar un operativo de emergencias, aínda que nada puido facerse por salvarlle a vida. Segundo a información facilitada polo alertador, o accidente produciuse pasadas as oito desta mañá na N-VI, no punto quilométrico 503, en Lugo. Indicou que foi a moto o único vehículo implicado no sinistro e que, tras a caída, o condutor quedou tendido sobre a vía. Para facilitar a asistencia médica, o persoal do Centro Integrado de Atención ás Emerxencias de Galicia solicitou a intervención dos profesionais de Urxencias Sanitarias de Galicia-061 e dos axentes da Garda Civil de Tráfico e da Policía Local. Sen embargo, nada puido facerse por salvarlle a vida ao motorista, xa que, apenas uns minutos máis tarde confirmouse o seu falecemento.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
